મુંબઈ પોલીસે એક વીડિયો શેર કર્યો છે. જેમાં અડધી રાત્રે સુમસામ રોડ ને કેસરિયા ગીત પર મુંબઈકર અને મુંબઈ પોલીસની લવ સ્ટોરીયાં જોવા મળી રહી છે.
વીડિયોમાંથી સ્ક્રીનશોટ (તસવીર: મુંબઈ પોલીસ ઈન્સ્ટાગ્રામ )
આર્થિક રાજધાની અને માયાનગરી મુંબઈમાં લોકોની સુરક્ષા માટે હંમેશાં તત્પર રહેતી મુંબઈ પોલીસ કોઈના કોઈ કારણસર લાઈમ લાઈટમાં રહેતી હોય છે. ક્યારેક મ્યુઝિક બેન્ડ સાથે ટ્રેન્ડિંગ ગીતનું રિક્રિએશન કરવું તો ક્યારેક પોતાની ફરજ ઉપરાંત માનવતાના ઉદાહરણરૂપે મુંબઈગરાંઓની નજીક રહી છે મુંબઈ પોલીસ. હાલમાં મુંબઈ પોલીસે ઈન્સ્ટાગ્રામ પર એક રસપ્રદ વીડિયો શેર કર્યો છે, જેમાં અડધી રાત્રે, સુમસામ રસ્તા પર કેસરિયા ગીત સાથે મુંબઈકર અને પોલીસ કર્મચારીઓની લવ સ્ટોરીયાં જોવા મળી રહી છે. .
હકીકતે, મુંબઈ પોલીસે ઈન્સ્ટાગ્રામ પર એક વીડિયો શેર કર્યો છે. જેમાં એક યુવક ગિટાર વગાડી `કેસરિયા તેરા ઈશ્ક` ગીત ગાઈ રહ્યો છે. વીડિયોમાં જોઈ શકાય છે કે ત્રણ-ચાર યુવકોનું એક ગ્રુપ અને બે પોલીસ કર્મીઓ રસ્તા પર ઉભા છે. આ દરમિયાન એક યુવક ગિટાર સાથે પોલીસ કર્મીઓ માટે `કેસરિયા તેરા ઈશ્ક` ગીત ગાઈ રહ્યો છે. તેમજ પોલીસ કર્મચારીઓ પણ આ ગીતમાં મગ્ન થઈ યુવકના અવાજને માણી રહ્યાં છે.
ADVERTISEMENT
View this post on Instagram
યુવકનો અવાજ સાંભળી પોલીસ કર્મચારીના ચહેરા પર પણ હળવું સ્મિત આવી જાય છે. આ વીડિયો મરિન ડ્રાઈવના આસપાસના કોઈ વિસ્તારનો છે. મુંબઈ પોલીસે આ વીડિયો શેર કરી લખ્યું છે કે `મુંબઈકર અને મુંબઈ પોલીસની ગ્રેટ લવ સ્ટોરીયાં.`
આ પણ વાંચો:
ખેર, આવી અનેક નાની ઘટનાઓ કેટલીય વાર પ્રકાશમાં આવી છે. જેમાં મુંબઈગરાંનો મુંબઈ પોલીસ સાથે એક અલગ પ્રકારનો સ્નેહનો સંબંધ જોવા મળે છે.
