Mumbai Water Tanker strike ends: બૃહન્મુંબઈ મ્યુનિસિપલ કોર્પોરેશન (BMC) એ ડિઝાસ્ટર મેનેજમેન્ટ ઍક્ટ, ૨૦૦૫ હેઠળ મોટાભાગના ખાનગી ટૅન્કર અને ભૂગર્ભજળ સ્ત્રોતોનો કબજો લેવાનો નિર્ણય લીધો હતો, જેનાથી સોમવારે ટૅન્કર દ્વારા પાણીનો પુરવઠો ફરી શરૂ થાય.
પ્રતીકાત્મક ફાઇલ તસવીર
મુંબઈ વૉટર ટૅન્કર એસોસિએશન (MWTA) એ સોમવારે તેમણે શહેરને પાણીની કટોકટીનો સામનો કરવો પડી રહ્યો છે, જેના કારણે તેણે તેની ચાલી રહેલી હડતાળ પાછી ખેંચી લીધી હોવાની જાહેરાત કરી હતી. ૧૦ એપ્રિલ ૨૦૨૫ ના રોજ મધ્યરાત્રિએ શરૂ થયેલી વૉટર ટૅન્કર એસોસિએશનની હડતાળ લગભગ ૪ દિવસ પછી પાછી ખેંચી લેવામાં આવી હતી અને ટૅન્કર સેવાઓ તાત્કાલિક ફરી શરૂ થશે, અધિકારીઓએ પુષ્ટિ આપી હતી. લગભગ ૧,૮૦૦ ટૅન્કર દરરોજ આશરે ૨૫૦ થી ૩૦ કરોડ લિટર બિન-પીવાલાયક પાણી અને ૫ કરોડ લિટર પીવાલાયક પાણી પૂરું પાડે છે. હડતાળને કારણે શહેરના વિવિધ ભાગોમાં પાણી પુરવઠામાં નોંધપાત્ર વિક્ષેપ પડ્યો હતો.
અગાઉ, બૃહન્મુંબઈ મ્યુનિસિપલ કોર્પોરેશન (BMC) એ ડિઝાસ્ટર મેનેજમેન્ટ ઍક્ટ, ૨૦૦૫ હેઠળ મોટાભાગના ખાનગી ટૅન્કર અને ભૂગર્ભજળ સ્ત્રોતોનો કબજો લેવાનો નિર્ણય લીધો હતો, જેનાથી સોમવારે ટૅન્કર દ્વારા પાણીનો પુરવઠો ફરી શરૂ થાય તેની ખાતરી કરવામાં આવી હતી. બીએમસી વડા ભૂષણ ગગરાણીએ અગાઉ આ ઘટનાક્રમની પુષ્ટિ કરી હતી અને મિડ-ડેને જણાવ્યું હતું કે, "BMC ટૅન્કર પાણી પુરવઠો પોતાના હાથમાં લઈ રહી છે." બીએમસીના પ્રયાસો છતાં, ટૅન્કર સંચાલકોએ તેમની સેવાઓ ફરી શરૂ કરવાનો ઇનકાર કર્યો હતો. ઉનાળાની તીવ્ર ગરમીમાં શહેર મુશ્કેલીમાં મુકાઈ રહ્યું છે, ત્યારે આવશ્યક પાણીની જરૂરિયાતો અંગે એક ગંભીર પ્રશ્ન ઉભો થયો છે. આ પરિસ્થિતિને ધ્યાનમાં રાખીને અને જાહેર હિતમાં, બીએમસી વહીવટીતંત્રે આ મુદ્દાને ઉકેલવા માટે ડિઝાસ્ટર મેનેજમેન્ટ ઍક્ટ, 2005 લાગુ કરવાનો નિર્ણય લીધો છે. ઉપરાંત, કાયદાની કલમ 34(a) અને 65(1) હેઠળ, બીએમસી વહીવટીતંત્રે ખાનગી ટૅન્કરો દ્વારા આવશ્યક સેવાઓનો પુરવઠો સંભાળવાનો અને તેનું સંચાલન કરવાનો નિર્ણય લીધો છે, એમ બીએમસી અધિકારીઓએ મિડ-ડેને જણાવ્યું હતું.
ADVERTISEMENT
દરમિયાન, MWTAએ અગાઉ મિડ-ડેને જણાવ્યું હતું કે તે બીએમસીના આ નિર્ણય પર પર રોક લગાવવા માટે કોર્ટનો સંપર્ક કરવાનું વિચારી રહી છે. રવિવારે પાલિકાના અધિકારીઓએ જણાવ્યું હતું કે, સેન્ટ્રલ ગ્રાઉન્ડ વોટર ઓથોરિટી (CGWA) ના નવા લાઇસન્સ વિના કાર્યરત બોરવેલ અને રિંગવેલ માલિકો પર BMC દ્વારા 15 જૂન સુધી પ્રતિબંધ મુક્યા પછી પણ ટૅન્કરનું સંચાલન ફરી શરૂ ન થયું હોવાથી ટૅન્કરનો કબજો લેવાનો નિર્ણય લેવામાં આવ્યો છે.
આધિકારીઓએ કહ્યું હતું કે પરિવહન કમિશનર પાસે શહેરને પાણી પૂરું પાડતા 1800 ટૅન્કર વિશે વિગતો છે અને દરેક વોર્ડના અધિકારીઓને તે ક્યાં પાર્ક કરવામાં આવે છે તેની જાણકારી છે. CGWA એ આ લાઇસન્સ મેળવવા માટે ચોક્કસ માર્ગદર્શિકા ફરજિયાત બનાવી છે અને BMC એ બોરવેલ ઓપરેટરોને નોટિસ આપવાનું શરૂ કર્યું છે જેમના પાસે તે નથી. ગુરુવાર, 10 એપ્રિલથી, MWTA એ ટૅન્કર દ્વારા પાણી પૂરું પાડવાનો ઇનકાર કર્યો હતો, કારણ કે તે કાનૂની ગૂંચવણો ટાળવા માગે છે.
