કોઈ બદલીની જગ્યાએ હાજર નહીં થાય તો તેની સામે સખત હાથે કામ લેવામાં આવશે
મીરા-ભાઈંદર મહાનગરપાલિકા
મીરા-ભાઈંદર મહાનગરપાલિકામાં આવેલા ૬ વૉર્ડમાં નિયુક્ત કરવામાં આવેલા ૨૯૭ અધિકારીઓ અને કર્મચારીઓની ગઈ કાલે સામૂહિક બદલી કરવામાં આવી હોવાનું જાણવા મળ્યું હતું. ઘણા અધિકારીઓ અને કર્મચારીઓ એક જ જગ્યાએ લાંબા સમયથી કામ કરી રહ્યા હોવાને લીધે કામ પર અસર થઈ રહી હોવાની ફરિયાદ મળતાં મીરા-ભાઈંદર મહાનગરપાલિકાના કમિશનર કમ ઍડ્મિનિસ્ટ્રેટર સંજય કાટકરે બદલી કરવામાં આવેલા અધિકારીઓ અને કર્મચારીઓને તાત્કાલિક ધોરણે ચાર્જ લેવાની ચેતવણી આપી છે. કોઈ બદલીની જગ્યાએ હાજર નહીં થાય તો તેની સામે સખત હાથે કામ લેવામાં આવશે. બદલી કરવામાં આવેલા અધિકારીઓમાં પાંચ અસિસ્ટન્ટ કમિશનર અને ઑફિસ સુપરિન્ટેન્ડેન્ટ્સનો તો કર્મચારીઓમાં ક્લર્ક, પ્યુન, સફાઈ કર્મચારી, ગાર્ડ્સ, બાલવાડી ટીચર્સનો સમાવેશ થાય છે.
