શ્રીનગર પોલીસે હવે આ સંદર્ભે ચોરોને પકડી લેવા તપાસ શરૂ કરી છે.
એકનાથ શિંદે
મુખ્ય પ્રધાન એકનાથ શિંદેએ સોમવારે થાણેમાં તેમનું ઉમેદવારી ફૉર્મ ભર્યું હતું. એ વખતે તેમણે વર્તકનગરથી તેમના હજારો સમર્થકો અને પક્ષના નાના-મોટા પદાધિકારીઓ સાથે સરઘસ કાઢ્યું હતું. એ સરઘસની ભીડમાં ભળી ગયેલા પાકીટમારોને ચાંદી થઈ ગઈ હતી. અનેક લોકોનાં પાકીટ, ચેઇન અને રોકડ ચોરાઈ ગયાં હતાં. આ સંદર્ભે શ્રીનગર પોલીસ-સ્ટેશનમાં ફરિયાદો નોંધાવવામાં આવી છે. શ્રીનગર પોલીસમાં નોંધાયેલી ફરિયાદો મુજબ ચોરાયેલી વસ્તુઓમાં ૧૨ તોલાની અને ૬ તોલાની સોનાની ચેઇન અને ૫૦-૫૦ હજાર રૂપિયા રોકડનો પણ સમાવેશ થાય છે. શ્રીનગર પોલીસે હવે આ સંદર્ભે ચોરોને પકડી લેવા તપાસ શરૂ કરી છે.
