મલાઈકા અરોડા ક્યારેક પોતાની લવ લાઈફને લઈને તો ક્યારેક બોલ્ડ ફોટોશૂટને લઈને ચર્ચામાં છવાઈ જાય છે. અર્જુન કપૂર સાથે બ્રેકઅપ બાદ તે ઓલિમ્પિક દરમિયાન પેરિસમાં એક નાની રજાનો આનંદ માણી રહી હતી.
મલાઈકા અરોરા (તસવીર સૌજન્ય ઈન્સ્ટાગ્રામ)
મલાઈકા અરોડા ક્યારેક પોતાની લવ લાઈફને લઈને તો ક્યારેક બોલ્ડ ફોટોશૂટને લઈને ચર્ચામાં છવાઈ જાય છે. અર્જુન કપૂર સાથે બ્રેકઅપ બાદ તે ઓલિમ્પિક દરમિયાન પેરિસમાં એક નાની રજાનો આનંદ માણી રહી હતી. તેણે આ રજાની તસવીરો શૅર કરી છે. તાજેતરમાં જ મલાઈકાએ ઈન્સ્ટાગ્રામ પર એક પોસ્ટ દ્વારા પોતાની પેરિસની મેમરીઝ રિફ્રેશ કરી છે. જો કે, આ તસવીરોમાં તેમની સાથે એક મિસ્ટ્રી મેનને જોઈને ચાહકો દંગ રહી ગયા. મિરર સેલ્ફીએ અનેક લોકોનું ધ્યાન ખેંચ્યું છે. આ તસવીર જોયા બાદ કહેવામાં આવી રહ્યું છે કે મલાઈકાને ફરીથી પ્રેમ થઈ ગયો છે.
મલાઈકા અરોડાએ ઈન્સ્ટાગ્રામ પર એક વીડિયો શૅર કર્યો છે, જેમાં તે ફ્રેન્ચ ડિશનો આનંદ માણતી જોવા મળી રહી હતી. પેરિસના સુંદર રસ્તા પર ફરતી જોવા મળી. આ વેકેશમાં તેનો સ્ટાઈલિશ લુક જોવા જેવો છે. આ વીડિયોમાં તે શહેર અને ઓલિમ્પિક વિલેજની સુંદર જગ્યાઓનો આનંદ માણતી જોવા મળી રહી છે. તેણે આ વીડિયો શૅર કરતાં લખ્યું છે કે પેરિસમાં મારા 48 કલાક. આખા અનુભવ માટે ડ્રીમ સેટ ગો સ્પૉર્ટ્સનો આભાર.
ADVERTISEMENT
મલાઈકા અરોરાના આ વેકેશન ફોટોમાં મિસ્ટ્રી મેન પણ જોવા મળી રહ્યો છે. આ વ્યક્તિ અભિનેત્રી સાથે મિરર સેલ્ફી લેતો જોવા મળ્યો હતો. મલાઈકા ડીપ નેક ડેનિમ આઉટફિટમાં પોઝ આપતી જોવા મળે છે. આ ફોટો જોયા બાદ નેટીઝન્સ કહી રહ્યા છે કે તેઓ ફરીથી પ્રેમમાં પડ્યા છે. આ પહેલા મલાઈકાએ સ્પેનમાં રજાઓ માણી રહેલા એક મિસ્ટ્રી મેન સાથેની તસવીર પોસ્ટ કરી હતી. જો કે તે વ્યક્તિનું ચિત્ર અસ્પષ્ટ હતું, તે ડેટિંગની અફવાઓને વેગ આપવા માટે પૂરતું હતું. જો કે તે કોણ છે તે અત્યારે કહેવું ખોટું હશે. સોશિયલ મીડિયા પર ફેન્સ પૂછી રહ્યા છે કે તે વ્યક્તિ કોણ છે?
View this post on Instagram
હાલમાં જ મલાઈકાએ તેની ઈન્સ્ટાગ્રામ સ્ટોરી પર એક પોસ્ટ કરી હતી, જેમાં લખ્યું હતું કે, "તમારો સૌથી મોટો સંબંધ તમારા દિલ, દિમાગ અને શરીર સાથે છે. તેમની સાથે દયાળુ બનો." છેલ્લા કેટલાક અઠવાડિયાથી, મલાઈકા અરોરા અને અર્જુન કપૂર બંનેના બ્રેકઅપના સમાચાર હતા. અહેવાલો અનુસાર, બંને ઘણા વર્ષો સુધી એકબીજાને ડેટ કરતા હતા અને બાદમાં પરસ્પર સહમતિથી અલગ થઈ ગયા હતા.
નોંધનીય છે કે, અર્જુન કપૂર અને મલાઇકા અરોરાના બ્રેકઅપની ચર્ચા વચ્ચે બન્નેએ એકમેક સામે જોવાનું પણ ટાળ્યુ હતું. એક ફૅશન-શોમાં તેઓ અલગ-અલગ જગ્યાએ બેઠાં હતાં. તેમના બ્રેકઅપની ચર્ચા જોરશોરથી ચાલી રહી છે. હવે એક ફૅશન-ઇવેન્ટમાં તેઓ અલગ જગ્યાએ બેઠાં હતાં એથી તેમનું આવું વર્તન પણ ચર્ચાનો વિષય બન્યો છે. એટલે તેમનું બ્રેકઅપ થયું હોય એ કન્ફર્મ લાગી રહ્યું છે. બન્નેએ પરસ્પર સમજૂતીથી અલગ થવાનો ફેંસલો કરી લીધો હતો. જોકે તેમણે એ વિશે ચોખવટ નથી કરી.
આ ઇવેન્ટ બાદ એક વિડિયો સોશ્યલ મીડિયામાં વાઇરલ થયો છે જેમાં લોકોની ભીડ વચ્ચે અર્જુન મલાઇકાને પ્રોટેક્ટ કરતો દેખાયો હતો. એમાં દેખાય છે કે લોકો અર્જુન સાથે સેલ્ફી લેવા માટે આગળ આવે છે અને એ વખતે તે મલાઇકાની કાળજી લેતો પણ જોવા મળ્યો હતો.
