મહારાષ્ટ્રના નાગપુરમાં સોલાર એક્સપ્લોઝિવ કંપનીમાં વિસ્ફોટ થયો હતો. આ ઘટનામાં નવ લોકોના જીવ ગયા છે. જ્યારે 3 લોકોની હાલત અતિ ગંભીર છે.
બ્લાસ્ટની પ્રતીકાત્મક તસવીર
Nagpur Blast: મહારાષ્ટ્રના નાગપુરથી મોટા સમાચાર સામે આવ્યા છે. અહીંની એક કંપનીમાં મોટો વિસ્ફોટ થયો છે. આ વિસ્ફોટમાં ઓછામાં ઓછા 9 લોકોના મોતના અહેવાલ છે. પ્રાપ્ત માહિતી અનુસાર, નાગપુરના બજારગાંવ ગામમાં સોલાર એક્સપ્લોઝિવ કંપનીમાં વિસ્ફોટ થયો હતો. સોલર એક્સપ્લોઝિવ કંપનીના કાસ્ટ બૂસ્ટર પ્લાન્ટમાં પેકિંગ સમયે બ્લાસ્ટ થયો હતો. બ્લાસ્ટ બાદ પોલીસ ઘટનાસ્થળે પહોંચી ગઈ છે. મૃત્યુઆંક વધી શકે છે. વિસ્ફોટમાં ત્રણ લોકોની હાલત ગંભીર હોવાનું કહેવાય છે.
સમાચાર એજન્સી ANI અનુસાર, નાગપુર ગ્રામીણ એસપી હર્ષ પોદ્દારે આ ઘટના વિશે વાત કરતા કહ્યું કે, `નાગપુરના બજારગાંવ ગામમાં સોલાર એક્સપ્લોઝિવ કંપનીમાં વિસ્ફોટના કારણે નવ લોકોના મોત થયા છે. સોલર એક્સપ્લોઝિવ કંપનીના કાસ્ટ બૂસ્ટર પ્લાન્ટમાં પેકિંગ દરમિયાન આ વિસ્ફોટ થયો હતો. હાલમાં, વધુ માહિતીની રાહ જોવાઈ રહી છે.
ADVERTISEMENT
Maharashtra | There has been a blast in the Solar Explosive Company in Bazargaon village of Nagpur, this blast happened at the time of packing in the cast booster plant in the Solar Explosive Company. More details awaited: Nagpur Rural Police
— ANI (@ANI) December 17, 2023
જ્યારે અધિક પોલીસ અધિક્ષક ડૉ. સંદીપ પખાલેએ ઘટના વિશે જણાવ્યું હતું કે `આ ફેક્ટરીમાં મોટા પ્રમાણમાં દારૂગોળો અને રસાયણો હોવાને કારણે જાનમાલના નુકસાનની આશંકા છે. આ વિસ્ફોટની ચોક્કસ તીવ્રતા હજુ સુધી બહાર આવી નથી. જાણવા મળ્યું છે કે મૃતકોમાં 6 પુરૂષ અને 3 મહિલાઓનો સમાવેશ થાય છે. આ કંપની નાગપુર અમરાવતી રોડ પર બજાર ગામમાં આવેલી છે અને પ્રાથમિક માહિતી મુજબ આજે સવારે 9 વાગ્યે વિસ્ફોટ થયો હતો.
તમને જણાવી દઈએ કે સોલાર કંપની ભારતમાં ઘણી કંપનીઓને દારૂગોળો સપ્લાય કરે છે. તે જ સમયે, આ કંપની સંરક્ષણ ક્ષેત્ર સાથે સંબંધિત કેટલીક કંપનીઓને દારૂગોળો સપ્લાય કરે છે. `વિસ્ફોટકો`માં મોટી માત્રામાં કેમિકલનો ઉપયોગ થાય છે. કહેવામાં આવી રહ્યું છે કે આ વિસ્ફોટ પેકિંગના કામ દરમિયાન થયો હતો.
મુખ્યમંત્રી એકનાથ શિંદેએ રવિવારે મહારાષ્ટ્રના નાગપુર જિલ્લામાં મૃતકો માટે શોક વ્યક્ત કર્યો હતો. મુખ્યમંત્રી કાર્યાલય (સીએમઓ) ના નિવેદન અનુસાર, સીએમ શિંદેએ મૃતકોના પરિજનોને 5 લાખ રૂપિયાની સહાયની જાહેરાત કરી છે.
