Maharashtra Holiday: રામલલ્લાની પ્રાણ પ્રતિષ્ઠાના શુભ દિવસે મહારાષ્ટ્રમાં જાહેર રજા, સીએમનો મોટો નિર્ણય

મહારાષ્ટ્રમાં 22 જાન્યુઆરીએ અયોધ્યામાં રામ લલ્લાના અભિષેકના દિવસે જાહેર રજા જાહેર કરવામાં આવી છે. મહારાષ્ટ્ર (Maharashtra Holiday)ની એકનાથ શિંદેની સરકારે આ નિર્ણય લીધો છે.

એકનાથ શિંદેની ફાઇલ તસવીર

મહારાષ્ટ્રમાં 22 જાન્યુઆરીએ અયોધ્યામાં રામ લલ્લાના અભિષેકના દિવસે જાહેર રજા જાહેર કરવામાં આવી છે. મહારાષ્ટ્ર (Maharashtra Holiday)ની એકનાથ શિંદેની સરકારે આ નિર્ણય લીધો છે. આ નિર્ણય બાદ બીજેપી નેતા અને મહારાષ્ટ્ર સરકારના મંત્રી મંગલ પ્રભાત લોઢાએ સીએમ એકનાથ શિંદે, ડેપ્યુટી સીએમ દેવેન્દ્ર ફડણવીસ અને અજિત પવારનો આભાર વ્યક્ત કર્યો છે.

તેમણે પોતાનો એક જૂનો પત્ર સોશિયલ મીડિયા પર શેર કર્યો છે, જેમાં તેમણે સીએમ શિંદે પાસેથી 22 જાન્યુઆરીએ મહારાષ્ટ્ર (Maharashtra Holiday)માં જાહેર રજાની માગ કરી હતી. તમને જણાવી દઈએ કે, ભાજપ શાસિત રાજ્યોમાં પ્રાણ પ્રતિષ્ઠાના દિવસે રજા જાહેર કરવામાં આવી છે. મહારાષ્ટ્રમાં ભાજપ, શિંદે જૂથની શિવસેના અને અજિત પવાર જૂથની એનસીપી સરકારમાં સામેલ છે. ઓડિશાએ પણ અડધા દિવસની રજા જાહેર કરી છે.

ADVERTISEMENT

અયોધ્યાના રામ મંદિર (Ram Mandir)માં રામલલ્લાની પ્રતિમાનું અનાવરણ અને 22 જાન્યુઆરીએ થનારી `પ્રાણ પ્રતિષ્ઠા` સમારોહના ત્રણ દિવસ પહેલા શુક્રવારે કરવામાં આવ્યું હતું. કાળા પથ્થરથી બનેલી આ પ્રતિમાની આંખો પર પીળું કપડું બાંધવામાં આવ્યું છે. વિશ્વ હિન્દુ પરિષદ (VHP)ના અધિકારી શરદ શર્માએ જણાવ્યું કે, રામલલ્લાની પ્રતિમાની આંખો પર પીળા કપડા બાંધવામાં આવ્યા હતા અને પ્રતિમાને ગુલાબના ફૂલનો હાર પહેરાવવામાં આવ્યો હતો. વિશ્વ હિંદુ પરિષદે રામલલાની પ્રતિમાની તસવીર જાહેર કરી અને આ પ્રતિમા સ્થાયી મુદ્રામાં છે.

અયોધ્યાના રામ મંદિરમાં 22 જાન્યુઆરીએ યોજાનાર અભિષેક સમારોહ પહેલા ગુરુવારે બપોરે રામ જન્મભૂમિ મંદિરના ગર્ભગૃહમાં ભગવાન રામની નવી મૂર્તિ સ્થાપિત કરવામાં આવી હતી. મૈસુરના શિલ્પકાર અરુણ યોગીરાજ દ્વારા બનાવવામાં આવેલી રામલલાની 51 ઈંચની પ્રતિમા ગઈકાલે રાત્રે મંદિરમાં લાવવામાં આવી હતી. પ્રાણ પ્રતિષ્ઠા સમારોહના મુખ્ય આચાર્ય અરુણ દીક્ષિતે જણાવ્યું હતું કે, બપોરે વૈદિક મંત્રોચ્ચાર વચ્ચે ભગવાન રામની મૂર્તિ ગર્ભગૃહમાં મૂકવામાં આવી હતી. તેમણે કહ્યું કે, ‘પ્રધાન સંકલ્પ’ ટ્રસ્ટના સભ્ય અનિલ મિશ્રાએ કર્યો હતો.

ગર્ભગૃહમાં રામલલ્લાની મૂર્તિ સ્થાપિત થતાં ચાર કલાક લાગ્યા

અયોધ્યાના રામમંદિરના ગર્ભગૃહમાં ગઈ કાલે સવારે રામલલ્લાની મૂર્તિને લાવવાની જહેમત શરૂ થઈ હતી. મૂર્તિ ૨૦૦ કિલોની હોવાથી એને ક્રેનની મદદથી ગર્ભગૃહમાં મૂકવામાં આવી હતી. મૂર્તિને ગર્ભગૃહમાં લાવીને નિશ્ચિત સ્થાને રેશમી કાપડ પર મૂકવાની પ્રક્રિયામાં લગભગ ચાર કલાક વીતી ગયા હતા. ગઈ કાલે બપોરે ૧૨.૩૦ વાગ્યે મૂર્તિને સ્થાપિત કરવામાં આવી હતી. એ પછી ૧.૨૦ વાગ્યે પ્રમુખ યજમાન દ્વારા પ્રધાન સંકલ્પ લીધા પછી વેદમંત્રોના મંગલમય વાતાવરણ વચ્ચે વિધિની શરૂઆત થઈ હતી. હવે આવતી કાલે સવારે ૯ વાગ્યે અરણિમંથનથી અગ્નિ પ્રગટ કરવામાં આવશે અને એ પછી પૂર્વ ગણપતિ અને સ્થાપિત દેવતાઓનું પૂજન થશે. હવે મૂર્તિને ગંધવાસ માટે સુગંધિત પાણીમાં રાખવામાં આવશે અને એ પછી અનાજ, ફળ અને ઘીમાં પણ રાખવામાં આવશે.