મહારાષ્ટ્રના ઉદ્યોગ ગુજરાતમાં જાય છે એવા વિપક્ષોના આક્ષેપ વચ્ચે દેવેન્દ્ર ફડણવીસે જાહેર કર્યા FDIના આંકડા

મહારાષ્ટ્રમાં છેલ્લાં ચાર વર્ષથી દર વર્ષે જેટલું ફૉરેન ઇન્વેસ્ટમેન્ટ આવતું હતું એટલું પહેલા છ મહિનામાં જ મળી ગયું

ગઈ કાલે પુણેમાં આયોજિત ‘Know Your Army Mela 2025’માં મુખ્ય પ્રધાન દેવેન્દ્ર ફડણવીસ

વિધાનસભાની ચૂંટણી પહેલાં વિરોધ પક્ષો સતત મહાયુતિ સરકાર પર અટૅક કરતા હતા કે મહારાષ્ટ્રનો ઉદ્યોગ-ધંધો ગુજરાત ડાઇવર્ટ કરી દેવામાં આવ્યો છે અને આપણી સરકાર કંઈ કરતી નથી. ઉદ્ધવસેનાએ તો પોતાના મૅનિફેસ્ટોમાં આ વાતનો ઉલ્લેખ કર્યો હતો.

જોકે હકીકત શું છે એના આંકડા ગઈ કાલે રાજ્યના મુખ્ય પ્રધાન દેવેન્દ્ર ફડણવીસે બહાર પાડ્યા હતા. ૨૦૨૦-૨૧થી ૨૦૨૩-૨૪ દરમ્યાન દર વર્ષે રાજ્યમાં જેટલું ફૉરેન ડાયરેક્ટ ઇન્વેસ્ટમેન્ટ (FDI) આવ્યું હતું એના જેટલું રોકાણ તો ૨૦૨૪-૨૫ના પહેલા છ મહિનામાં જ આવી ગયું છે. દેવેન્દ્ર ફડણવીસે ગઈ કાલે સોશ્યલ મીડિયા પર શૅર કરેલી પોસ્ટમાં લખ્યું હતું કે સપ્ટેમ્બર, ૨૦૨૪ના પૂરા થતાં પહેલાં બે ક્વૉર્ટરમાં રાજ્યને ૧,૧૩,૨૩૬ કરોડ રૂપિયાનું FDI મળ્યું છે. તેમણે કહ્યું હતું કે હું નાયબ મુખ્ય પ્રધાન એકનાથ શિંદે, અજિત પવાર અને કૅબિનેટના બીજા સાથીઓ સાથે મળીને ઇન્વેસ્ટમેન્ટનો આ ધોધ અવિરત ચાલુ રાખીશું.

ADVERTISEMENT