નાગપુરના કૉન્ગ્રેસના ઉમેદવારે BJP કાર્યાલયમાં પણ પ્રચાર કર્યો

નાગપુરના કૉન્ગ્રેસના ઉમેદવાર બન્ટી શેળકે BJPના કાર્યાલયમાં પણ પ્રચાર કરી આવ્યા

વિડિયો તેમણે પોતે જ સોશ્યલ મીડિયામાં શૅર કર્યો છે

મહારાષ્ટ્રમાં વિધાનસભાની ચૂંટણી માટે ઉમેદવારો રાતદિવસ જોયા વગર પ્રચાર કરી રહ્યા છે. ઉમેદવારો પોતાના મતવિસ્તારમાં પ્રચાર કરે, મતદારો પાસે કાલાવાલા કરે એ બધું સ્વાભાવિક છે પણ નાગપુરના કૉન્ગ્રેસના ઉમેદવાર બન્ટી શેળકે BJPના કાર્યાલયમાં પણ પ્રચાર કરી આવ્યા. નાગપુરમાં ભારતીય જનતા પાર્ટી (BJP)માંથી પ્રવીણ દટકે ચૂંટણી લડવાના છે અને બન્ને વચ્ચે સીધી સ્પર્ધા છે છતાં બન્ટી શેળકે દટકેના કાર્યાલયમાં જઈને મત માગી આવ્યા છે. આનો વિડિયો તેમણે પોતે જ સોશ્યલ મીડિયામાં શૅર કર્યો છે અને કહ્યું છે કે ‘મારી લડાઈ કોઈ વ્યક્તિ સાથે નથી, વિચારો સાથે છે. નાગપુર શહેરનો કોઈ પણ નાગરિક હોય, કોઈ પણ પક્ષ, જાતિ કે ધર્મનો હોય, મારે માટે એ મહત્ત્વની વ્યક્તિ છે અને હું તેની સેવા કરીશ.’