ખાસ મતદાન કરવા માટે આવ્યા, પણ નામ ગાયબ
નિશિત પારેખ
પહેલાં ઘાટકોપરમાં રહેતા પણ હવે દુબઈમાં શિફ્ટ થઈ ગયેલા ૪૫ વર્ષના નિશિત પારેખ બે દિવસ પહેલાં ખાસ મતદાન કરવા માટે દુબઈથી મુંબઈ આવ્યા હતા. તેઓ સવારના મત આપવા ગયા ત્યારે તેમનું નામ મતદારયાદીમાંથી ગાયબ થઈ ગયું હોવાથી તેઓ મત નહોતા આપી શક્યા. ૫૦,૦૦૦ રૂપિયાની ટિકિટ ખરીદીને અને ૧૯૦૦ કિલોમીટરનો પ્રવાસ કરવા છતાં મત ન આપી શકવાનો અફસોસ નિશિત પારેખે વ્યક્ત કર્યો હતો.



