Gujarati Mid-day
Happiest Places to Work

ઇ-પેપર

વેબસ્ટોરીઝ

વેબસ્ટોરીઝ

બ્રેકિંગ સમાચાર

App banner App banner
હોમ > સમાચાર > મુંબઈ સમાચાર > આર્ટિકલ્સ > માલવણના રાજકોટ કિલ્લામાં શિવાજી મહારાજનું ૬૦ ફુટનું પૂતળું મૂકવામાં આવશે

માલવણના રાજકોટ કિલ્લામાં શિવાજી મહારાજનું ૬૦ ફુટનું પૂતળું મૂકવામાં આવશે

Published : 15 December, 2024 10:52 AM | Modified : 15 December, 2024 11:02 AM | IST | Mumbai
Gujarati Mid-day Correspondent | feedbackgmd@mid-day.com

મહારાષ્ટ્ર સરકારે જાણીતા ને પદ્મશ્રીથી નવાજવામાં આવેલા મૂર્તિકાર રામ સુતારને કૉન્ટ્રૅક્ટ આપ્યો : ૪૦ ટન કાંસું અને ૨૮ ટન સ્ટીલ વાપરવામાં આવશે

વડા પ્રધાન નરેન્દ્ર મોદીએ ૨૦૨૩ની ૪ ડિસેમ્બરે નેવી ડેએ આ પૂતળાનું અનાવરણ કર્યું હતું

વડા પ્રધાન નરેન્દ્ર મોદીએ ૨૦૨૩ની ૪ ડિસેમ્બરે નેવી ડેએ આ પૂતળાનું અનાવરણ કર્યું હતું


મહારાષ્ટ્રના રત્નાગિરિ-સિંધુદુર્ગમાં આવેલા માલવણ ખાતેના રાજકોટ કિલ્લામાં ઊભું કરવામાં આવેલું છત્રપતિ શિવાજી મહારાજનું ૩૫ ફુટનું પૂતળું આ વર્ષે ૨૬ ઑગસ્ટે તૂટી પડ્યું હતું. વડા પ્રધાન નરેન્દ્ર મોદીએ ૨૦૨૩ની ૪ ડિસેમ્બરે નેવી ડેએ આ પૂતળાનું અનાવરણ કર્યું હતું. માત્ર આઠ જ મહિનામાં પૂતળું તૂટી પડતાં ભ્રષ્ટાચાર કરવામાં આવ્યો હોવાનો આરોપ વિરોધી પક્ષોએ મહાયુતિની સરકાર પર લગાવ્યો હતો અને ચૂંટણીમાં આ ઘટનાને મોટો મુદ્દો બનાવ્યો હતો.


મહારાષ્ટ્ર સરકારે રાજ્યના આરાધ્યદેવ છત્રપતિ શિવાજી મહારાજનું નવું ભવ્ય પૂતળું બનાવવા માટેની એ સમયે જાહેરાત કરી હતી. પદ‌્મશ્રી મૂર્તિકાર રામ સુતારના પુત્ર અનિલે ગઈ કાલે કહ્યું હતું કે ‘માલવણ કિલ્લામાં ૪૦ ટકા કાંસું અને ૨૮ ટન સ્ટીલમાંથી ૬૦ ફુટ ઊંચું છત્રપતિ શિવાજી મહારાજનું પૂતળું બનાવવામાં આવી રહ્યું છે જે આગામી છ મહિનામાં તૈયાર થઈ જશે. શિવાજી મહારાજ હાથમાં તલવાર લઈને ઊભા હોય એવી પૂતળાની મુદ્રા હશે. આ નવું પૂતળું મૂકવા માટે ૧૦ ફુટ ઊંચાઈનું પેડસ્ટ્રલ રાજકોટ કિલ્લામાં તૈયાર કરવામાં આવશે.’


Whatsapp-channel Whatsapp-channel

15 December, 2024 11:02 AM IST | Mumbai | Gujarati Mid-day Correspondent

App Banner App Banner

અન્ય લેખો


This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK