29 ડિસેમ્બરના કેન્દ્રીય એજન્સીએ મુંબઈમાં રાજ કુન્દ્રાના અનેક ઠેકાણે અને ઉત્તર પ્રદેશના કેટલાક શહેરોમાં બાકીના અન્ય લોકોના સ્થળે પણ દરોડા પાડ્યા હતા. રાજ કુન્દ્રાને પણ મની લૉન્ડ્રિંગ કેસમાં પૂછપરછ માટે ઈડીએ સમન્સ પાઠવ્યા છે.
રાજ કુન્દ્રા
29 ડિસેમ્બરના કેન્દ્રીય એજન્સીએ મુંબઈમાં રાજ કુન્દ્રાના અનેક ઠેકાણે અને ઉત્તર પ્રદેશના કેટલાક શહેરોમાં બાકીના અન્ય લોકોના સ્થળે પણ દરોડા પાડ્યા હતા. રાજ કુન્દ્રાને પણ મની લૉન્ડ્રિંગ કેસમાં પૂછપરછ માટે ઈડીએ સમન્સ પાઠવ્યા છે.
તાજેતરમાં જ પ્રવર્તન નિદેશાલય (ED)એ બૉલિવૂડ એક્ટ્રેસ શિલ્પા શેટ્ટીના પતિ અને બિઝનેસમેન રાજ કુન્દ્રાને મની લૉન્ડ્રિંગ કેસમાં પૂછપરછ માટે બોલાવ્યા છે. આ ઘટના કહેવાતી રીતે પોર્નોગ્રાફિક ફિલ્મોના ગેરકાયદેસર વિતરણ સાથે જોડાયેલી છે. અધિકારીઓ પ્રમાણે, રાજ કુન્દ્રાને આ અઠવાડિયે ઈન્વેસ્ટિગેટિવ ઑફિસર્સ સામે હાજર થવા માટે કહેવામાં આવ્યું છે. આ કેસમાં કેટલાક વધુ લોકોને પણ સમન પાઠવવામાં આવ્યા છે. આ પહેલા ઈડીએ 29 ડિસેમ્બરના મુંબઈમાં રાજ કુન્દ્રાના ઘર અને ઑફિસમાં દરોડા પાડ્યા હતા.
ADVERTISEMENT
રાજ કુન્દ્રા સિવાય આ કેસમાં જેટલા લોકોના નામ સામેલ છે ઉત્તર પ્રદેશના કેટલાક શહેરોમાં તે લોકોના ઠેકાણે પણ દરોડા પાડવામાં આવ્યા હતા. દરોડા બાદ રાજ કુન્દ્રાએ એક નિવેદન પણ જાહેર કર્યું હતું, જેમાં તેણે જણાવ્યું કે તે છેલ્લા ચાર વર્ષથી ચાલતી આ તપાસમાં સંપૂર્ણ રીતે સહયોગ આપી રહ્યો છે અને તેની સાથે તેણે એ પણ અપીલ કરી છે કે આ કેસમાં તેની પત્ની શિલ્પા શેટ્ટીનું નામ જોડવામાં ન આવે. તેનો આ કેસ સાથે કોઈ સંબંધ નથી. શિલ્પા શેટ્ટીના વકીલે સ્પષ્ટતા કરી હતી કે આ કાર્યવાહી એક્ટ્રેસની વિરુદ્ધ નથી.
મની લૉન્ડ્રિંગ કેસમાં રાજ કુન્દ્રાની થશે પૂછપરછ
તેને આ બાબત સાથે કોઈ લેવાદેવા નથી. તે જ સમયે, આ મની લોન્ડરિંગ કેસ મે 2022 માં મુંબઈ પોલીસની એફઆઈઆર અને ચાર્જશીટના આધારે નોંધવામાં આવ્યો હતો. રાજ કુન્દ્રા અને અન્ય લોકોની પહેલા ધરપકડ કરવામાં આવી હતી, પરંતુ બાદમાં તેમને જામીન મળી ગયા હતા. આ પહેલા પણ ઇડીએ કુન્દ્રા સામે ક્રિપ્ટોકરન્સી કેસમાં રૂ. 98 કરોડની સંપત્તિ જપ્ત કરી હતી. તપાસ એજન્સીના જણાવ્યા અનુસાર, `હોટશોટ` નામની એપનો ઉપયોગ વાંધાજનક સામગ્રી અપલોડ અને સ્ટ્રીમ કરવા માટે કરવામાં આવ્યો હતો.
બે વર્ષ પહેલા ધરપકડ કરવામાં આવી હતી
રાજ કુન્દ્રાએ દાવો કર્યો હતો કે તેમની વિરુદ્ધ કોઈ નક્કર પુરાવા નથી અને તેમને બિનજરૂરી રીતે ફસાવવામાં આવી રહ્યા છે. પોલીસે જણાવ્યું કે નાના કલાકારોને વેબ સિરીઝમાં તક આપવાના બહાને બોલ્ડ સીન શૂટ કરવા માટે બોલાવવામાં આવતા હતા. બાદમાં, આ દ્રશ્યોને તેમની સંમતિ વિના પોર્ન અથવા પુખ્ત વયના દ્રશ્યોમાં પરિવર્તિત કરવામાં આવ્યા હતા. તપાસમાં એ પણ સામે આવ્યું છે કે અન્ય ઘણી એપ્સ પણ સમાન સામગ્રી અપલોડ કરી રહી છે. હાલ મામલાની તપાસ ચાલી રહી છે.
