મરીન ડ્રાઇવ રેસિડન્ટ્સ અસોસિએશન કહે છે કે અમને આ ઇવેન્ટની ખબર મીડિયા દ્વારા થઈ, લોકલ રેસિડન્ટ્સને હેરાનગતિ થાય એવું કોઈ આયોજન ભવિષ્યમાં ન જ થવું જોઈએ
મરીન ડ્રાઇવ પર ઠેર-ઠેર શૂઝ-ચંપલોનો ઢગલો. (તસવીર - કીર્તિ સુર્વે પરાડે) અને મરીન ડ્રાઇવના લોકોની ગાડીઓને થયેલું નુકસાન (તસવીર- અનુરાગ અહિરે)
T20 વર્લ્ડ કપમાં વિજય મેળવ્યાની ખુશાલીમાં ગુરુવારે મરીન ડ્રાઇવમાં વિક્ટરી પરેડ કાઢવામાં આવી હતી, જેમાં લાખો ક્રિકેટફૅન પહોંચી જવાથી કલાકો સુધી આ વિસ્તાર થંભી ગયો હતો. જોકે આ મજા સ્થાનિક રહેવાસીઓ માટે સજા બની ગઈ હતી. તેમનું કહેવું છે કે અમે એવો કયો ગુનો કર્યો હતો કે અમારે કલાકો સુધી ઘરની અંદર બાનમાં રહેવું પડ્યું? ટ્રાફિક-જૅમ થઈ જવાને લીધે વાહનચાલકો અને ટૅક્સી-ડ્રાઇવરોએ પણ અસહાય બનીને છ કલાક બેસી રહેવું પડ્યું હતું.