ડોમ્બિવલીના રહેવાસીઓ પાણી સાચવીને વાપરજો, આજે સાંજ સુધી નહીં આવે

Dombivli Water Cut: આજે ડોમ્બિવલીમાં સવારે ૧૧ વાગ્યાથી સાંજે ૬ વાગ્યા સુધી નહીં આવે પાણી, મહાનગરપાલિકાએ જાહેર કરી નોટીસ

પ્રતીકાત્મક તસવીર

કલ્યાણ ડોમ્બિવલી મ્યુનિસિપલ કોર્પોરેશન (Kalyan Dombivli Municipal Corporation - KDMC)એ ૨૬ નવેમ્બરના રોજ સવારે ૧૧ વાગ્યાથી સાંજના ૬ વાગ્યા સુધી ડોમ્બિવલી (Dombivli) શહેરમાં પાણી પુરવઠો (Dombivli Water Cut) બંધ રાખવાની જાહેરાત કરી છે. અમુક વિસ્તારોમાં સમારકામ થવાનું હોવાથી આ નિર્ણય લેવામાં આવ્યો છે.

આજે મંગળવારે એટલે કે, ૨૬ નવેમ્બર ૨૦૨૪ના રોજ કલ્યાણ ડોમ્બિવલી મ્યુનિસિપલ કોર્પોરેશના પાણી પુરવઠા વિભાગના જણાવ્યા અનુસાર, આ નેતિવલીના વોટર ટ્રીટમેન્ટ પ્લાન્ટમાં ઇલેક્ટ્રિકલ અને મિકેનિકલ સાધનોના સમારકામ તેમજ ડોમ્બિવલીના F, C અને H વિભાગોમાં વિતરણ ચેનલો પર લીકેજ અને વાલ્વના સમારકામના કામને કારણે છે.

ADVERTISEMENT

મંગળવારે ડોમ્બિવલી પૂર્વ અને પશ્ચિમમાં પાણી પુરવઠો બંધ રહેશે, તેથી બીજા દિવસે ઓછા દબાણનો પાણી પુરવઠો થવાની સંભાવના છે. આથી પાલિકાએ નાગરિકોને એક દિવસ પૂરતું પાણી સંગ્રહ કરવા અપીલ કરી છે. પશ્ચિમમાં ડોમ્બિવલી પૂર્વ એફ, સી અને એચ વોર્ડની સીમાઓમાં ઘણી જગ્યાએ પાણી સપ્લાય કરતી વિતરણ ચેનલો લીક થઈ રહી છે. આ સીપેજનું પાણી રોડ પરથી વહી જાય છે. જ્યારે નગરપાલિકા સવારે, બપોર અને સાંજે પાણી પુરવઠો શરૂ કરે છે, ત્યારે પાણી વિતરણ ચેનલો દ્વારા લીકેજ વિસ્તારોમાંથી વધુ પાણી વહે છે. કલ્યાણ ડોમ્બિવલી નગરપાલિકાના કર્મચારીઓ છેલ્લા બે મહિનાથી વિધાનસભા ચૂંટણીના કામમાં વ્યસ્ત હતા. તેથી પાણી પુરવઠા સત્તાવાળાઓ માટે આ પાણી લીકેજના કામો તાત્કાલિક હાથ ધરવા શક્ય નહોતું. હવે ચૂંટણીઓ પૂરી થતાં પાણી પુરવઠા વિભાગના અધિકારીઓએ આ રિપેરિંગ કામો તાત્કાલિક શરૂ કરી દીધા છે.

નોંધનીય છે કે, કલ્યાણ ડોમ્બિવલી પાલિકાનો સ્ટાફ છેલ્લા બે મહિનાથી વિધાનસભા ચૂંટણીના કામમાં વ્યસ્ત હતો. તેથી પાણી પુરવઠા સત્તાવાળાઓ માટે આ પાણી લીકેજના કામો તાત્કાલિક હાથ ધરવા શક્ય નહોતું. હવે ચૂંટણી પુરી થઈ ગઈ છે ત્યારે પાણી પુરવઠા વિભાગના અધિકારીઓએ આ રીપેરીંગની કામગીરી તાત્કાલિક હાથ ધરી છે.

નોંધનીય છે કે, મુંબઈને પીવાનું પાણી પૂરું પાડતા સાત તળાવો છે. તુલસી (Tulsi), તાનસા (Tansa), વિહાર (Vihar), ભાતસા (Bhatsa), મોડક સાગર (Modak Sagar), ઉચ્ચ વૈતરણા (Upper Vaitarna) અને મધ્ય વૈતરણા (Middle Vaitarna). તમને જણાવી દઈએ કે, સપ્ટેમ્બર ૨૦૨૪ના મધ્ય સુધીમાં, મુંબઈના સાત મુખ્ય તળાવોમાં કુલ 14,25,128 મિલિયન લિટર પાણી સાથે 98.46% ક્ષમતા પર પાણીનો સ્ટોક હતો. આ ભારે વરસાદને કારણે થયું હતું જેના કારણે મધ્ય વૈતરણા, વિહાર અને મોડક સાગર સહિત અનેક તળાવો ઓવરફ્લો થઈ ગયા હતા. નોંધનીય છે કે, મુંબઈની દૈનિક પાણીની માંગ 4,505 મિલિયન લિટર (MLD) છે. દૈનિક ધોરણે બૃહન્મુંબઈ મ્યુનિસિપલ કોર્પોરેશન (BMC) શહેરની દૈનિક પાણીની માંગના લગભગ 88% અથવા 3,975 MLD સપ્લાય કરે છે.