પોલીસે છેતરપિંડીનો ગુનો નોંધી આરોપીઓને પકડવા તપાસ ચાલુ કરી છે.
પ્રતીકાત્મક તસવીર
થાણેમાં રહેતાં ૬૧ વર્ષનાં સિનિયિર સિટિઝન મહિલાને સાઇબર ગઠિયાઓએ છેતર્યાં હતાં. તેમને એક કૉલ આવ્યો હતો. કૉલ કરનારે પોતે પોલીસ હોવાનું કહી તેમના બૅન્ક-અકાઉન્ટમાં કેટલીક શંકાસ્પદ પ્રવૃત્તિ થઈ છે એમ કહી છેતર્યાં હતાં. એ પછી સાઇબર ગઠિયાઓની ટોળકીએ તેમને કુરિયર ફર્મ, સેન્ટ્રલ બ્યુરો ઑફ ઇન્વેસ્ટિગેશનના ઑફિસર બની છેતર્યાં હતાં અને બે મહિનાના ગાળામાં તેમના અકાઉન્ટમાંથી ધીમે-ધીમે કરીને ૩.૦૪ કરોડ રૂપિયા અલગ-અલગ ખાતાંમાં ટ્રાન્સફર કરાવી લીધા હતા. જ્યારે મહિલાને પોતાની સાથે છેતરપિંડી થઈ રહી છે એવી જાણ થઈ ત્યારે તેમણે પોલીસનો સંપર્ક કરી એ બાબતે ફરિયાદ નોંધાવી હતી. પોલીસે છેતરપિંડીનો ગુનો નોંધી આરોપીઓને પકડવા તપાસ ચાલુ કરી છે.
