મુલાકાતીઓની સંખ્યામાં ઘટાડો થવાની સાથે આવક પણ ઘટી
રાણીબાગ
ભાયખલાના વીરમાતા જીજાબાઈ ભોસલે બૉટનિકલ ગાર્ડન અને ઝૂ જે સામાન્યપણે રાણીબાગ તરીકે ઓળખાય છે એણે પણ માર્ચથી ગરમીના પ્રકોપનો સામનો કરવો પડ્યો છે. વર્તમાન વર્ષે મુલાકાતીઓ ઘટવા સાથોસાથ એની આવકમાં પણ ઘટાડો થયો છે. ૨૦૨૪માં જાન્યુઆરીથી મેના પ્રથમ પાંચ મહિના દરમ્યાન મુલાકાતીઓની સંખ્યા ઘટીને ૧૧.૬ લાખ થઈ હતી કે જે ગયા વર્ષે સમાન ગાળામાં ૧૫.૩ લાખ હતી. આથી આ સમયગાળામાં ઝૂની આવક ઘટીને ૪.૬ કરોડ રૂપિયા થઈ હતી જે ૨૦૨૩ના પ્રથમ પાંચ મહિનામાં છ કરોડ રૂપિયા હતી.
