આ છે મુંબઈ મહાનગરપાલિકાનું લેટેસ્ટ અભિયાન, મહેસૂલી આવકના નવા રસ્તા શોધવા અર્ન્સ્ટ ઍન્ડ યંગને કૉન્ટ્રૅક્ટ આપવામાં આવ્યો
બીએમસીની પ્રતીકાત્મક તસવીર
મુંબઈ સુધરાઈની ઓળખ દેશમાં સૌથી શ્રીમંત સુધરાઈ તરીકે કરવામાં આવે છે, પણ છેલ્લાં થોડાં વર્ષોથી એની આવકમાં ઘટાડો થઈ રહ્યો હોવાથી વિવિધ વિકાસ-યોજનાઓ માટે એને ફિક્સ્ડ ડિપૉઝિટો પર આધાર રાખવો પડતો હોવાથી હવે મહેસૂલી આવકના નવા રસ્તા શોધવા માટે એણે ગ્લોબલ રિસર્ચ એજન્સી અર્ન્સ્ટ ઍન્ડ યંગની મદદ લીધી છે અને આગામી નવ મહિનામાં આવકના નવા રસ્તા શોધવાનું કામ એને સોંપ્યું છે. આ કંપની ફેબ્રુઆરી મહિના સુધીમાં એનો રિપોર્ટ આપશે એટલે સુધરાઈ-કમિશનર આગામી વર્ષના બજેટમાં આ ઉપાયોને સામેલ કરશે. આમ સુધરાઈને ફિક્સ્ડ ડિપૉઝિટો પર ઓછો આધાર રાખવો પડશે. છેલ્લાં પાંચ વર્ષમાં સુધરાઈને આવી ડિપૉઝિટો પર આધાર રાખવાની નિર્ભરતા ત્રણગણી વધી ગઈ છે. આ કંપની વિશ્વની બીજી સુધરાઈઓ કેવી રીતે તેમની મહેસૂલી આવક વધારે છે એનો સ્ટડી કરીને સુધરાઈને સલાહ આપશે.