બાબા સિદ્દીકીની હત્યા થયાના પાંચ દિવસ બાદ ગઈ કાલે પહેલી વાર તેમના દીકરા ઝીશાન સિદ્દીકીએ પ્રતિક્રિયા આપી છે
ઝીશાન સિદ્દીકી
બાબા સિદ્દીકીની હત્યા થયાના પાંચ દિવસ બાદ ગઈ કાલે પહેલી વાર તેમના દીકરા ઝીશાન સિદ્દીકીએ પ્રતિક્રિયા આપી છે. તેણે ટ્વીટ કરીને કહ્યું છે કે ‘મારા પિતાએ ગરીબ અને નિર્દોષ લોકોનાં જીવ અને ઘર બચાવવા જતાં જીવ ખોયો છે. આજે અમારો પરિવાર પડી ભાંગ્યો છે, પણ મારા પિતાના મૃત્યુ પર રાજકારણ ન થવું જોઈએ. તેમનું બલિદાન વ્યર્થ ન જવું જોઈએ. મને ન્યાય જોઈએ છે, અમારા પરિવારને ન્યાય જોઈએ છે.’
બાબા સિદ્દીકીની શનિવારે રાતે હત્યા થયા બાદ બુધવારે પોલીસે ઝીશાનનું સ્ટેટમેન્ટ નોંધ્યું હતું. ગઈ કાલે પણ તે મુંબઈ પોલીસ કમિશનરની ઑફિસે આવ્યો હતો અને ત્રણ કલાક સુધી તેની પૂછપરછ કરવામાં આવી હતી. તેના બહાર આવ્યા બાદ જ્યારે પત્રકારોએ તેને સવાલ કર્યા ત્યારે તેણે કહ્યું હતું કે તે કશું બોલવાની મનઃસ્થિતિમાં નથી.
