ગંભીર રીતે ઘાયલ થયેલી ગિરિજાને તાત્કાલિક નજીકની હૉસ્પિટલ લઈ જવાઈ હતી
ઘટનાનો વિડિયો ગ્રૅબ.
પુણે નજીકના બોપખેલમાં આવેલા ગણેશનગરમાં એક ચોંકાવનારી ઘટના બની હતી, જેમાં ઘરની બહાર રમી રહેલી સાડાત્રણ વર્ષની બાળકીએ જીવ ગુમાવ્યો હતો. ગિરિજા ગણેશ શિંદે નામની બાળકી રમી રહી હતી ત્યારે તેના જ બિલ્ડિંગનો સ્લાઇડિંગ ગેટ તેના પર અચાનક પડ્યો હતો. ક્લોઝ્ડ સર્કિટ ટેલિવિઝન (CCTV) કૅમેરાનાં ફુટેજમાં આ ઘટના કેદ થઈ હતી. એમાં એક બાળક સ્લાઇડિંગ ગેટને ખસેડી રહ્યો છે ત્યારે ગિરિજા તેનાથી સહેજ મોટી બીજી બાળકી સાથે ગેટ પાસે પહોંચી હતી. એ જ સમયે સ્લાઇડિંગ ગેટ તૂટી પડતાં ગિરિજા એની નીચે દબાઈ ગઈ હતી. ગંભીર રીતે ઘાયલ થયેલી ગિરિજાને તાત્કાલિક નજીકની હૉસ્પિટલ લઈ જવાઈ હતી, જ્યાં ડૉક્ટરોએ ગંભીર ઈજા થવાથી તે મૃત્યુ પામી હોવાનું કહ્યું હતું. બુધવાર સાંજની આ ઘટનાથી આખા વિસ્તારમાં અરેરાટી વ્યાપી ગઈ હતી.
