આજે આ હુમલાને ૧૩ વર્ષ થયા છે, આ નિમિત્તે મુંબઈ પોલીસ કમિશનરની ઓફિસમાં શહીદ સ્મારક પર સવારે 9 વાગ્યે શહીદ અધિકારીઓ અને પોલીસકર્મીઓને શ્રદ્ધાંજલિ આપવામાં આવી હતી.
ફાઇલ ફોટો
દેશની આર્થિક રાજધાની મુંબઈમાં વર્ષ ૨૦૦૮માં થયેલા આતંકવાદી હુમલાની આજે ૧૩મી વર્ષગાંઠ છે. આ હુમલાને ભારતના ઈતિહાસનો સૌથી ભયાનક આતંકવાદી હુમલો કહેવો અતિષિયોક્તિ તો નથી જ. 2008માં 26 નવેમ્બરે 10 પાકિસ્તાની આતંકવાદીઓ દરિયાઈ માર્ગે મુંબઈ પહોંચ્યા હતા અને ઘણી જગ્યાએ અંધાધૂંધ ગોળીબાર કર્યો હતો, જેમાં 18 સુરક્ષાકર્મીઓ સહિત 166 લોકો માર્યા ગયા હતા. તેમ જ અન્ય ઘણા લોકો ગંભીર રીતે ઘાયલ થયા હતા.
આજે આ હુમલાને ૧૩ વર્ષ થયા છે, આ નિમિત્તે મુંબઈ પોલીસ કમિશનરની ઓફિસમાં શહીદ સ્મારક પર સવારે 9 વાગ્યે શહીદ અધિકારીઓ અને પોલીસકર્મીઓને શ્રદ્ધાંજલિ આપવામાં આવી હતી. તેમ જ સવારે 10.45 કલાકે ગેટવે ઓફ ઈન્ડિયા પર આતંકવાદી હુમલામાં શહીદ થયેલા લોકોને શ્રદ્ધાંજલિ આપવામાં આવી હતી.
ADVERTISEMENT
આ દિવસને યાદ કરતાં રતન તાતાએ લખી કે “આજથી 13 વર્ષ પહેલાં આપણે જે દુઃખ સહન કર્યું તેને ક્યારેય ભૂસી શકાય તેમ નથી. જોકે, આપણે હુમલાઓની સ્મૃતિને ચાલુ રાખવાનું ચાલુ રાખવું જોઈએ, જે આપણને તોડવા માટે હતો અને તે જ આપણી શક્તિનો સ્ત્રોત બની ગયો છે, જ્યારે આપણે ગુમાવેલા લોકોનું સન્માન કરીએ છીએ.”
View this post on Instagram
મુંબઈ પોલીસે પણ ટ્વિટ કરી તે સમયે જીવ ગુમાવનાર જવાનોને યાદ કરતાં લખ્યું કે “મુંબઈની સુરક્ષા માટે પોતાના જીવની પરવા કર્યા વિના લડનારા બહાદુર વીરોને સલામ!”
We will forever carry their unyielding spirits in our hearts.
— Mumbai Police (@MumbaiPolice) November 26, 2021
Their sacrifice will always be remembered.#MumbaiAttacks #MumbaiTerrorAttack #2611Attack #SalutingMartyrs pic.twitter.com/UdH05xOkRE
મહારાષ્ટ્રના મુખ્ય પ્રધાન ઉદ્ધવ ઠાકરેના કાર્યાલયે ટ્વિટ કરી લખ્યું કે “મુખ્યમંત્રી ઉદ્ધવ બાળાસાહેબ ઠાકરેએ 26/11ના આતંકી હુમલાના શહીદો અને પીડિતોને શ્રદ્ધાંજલિ પાઠવી છે. તેમણે હુમલા સામે લડનારાઓનો પણ આભાર વ્યક્ત કર્યો અને કહ્યું કે આ હુમલો આતંકવાદીઓના કાયર વલણનો સ્પષ્ટ સંકેત છે.”
२६/११ च्या दहशतवादी हल्ल्यातील शहीद वीर व बळी पडलेल्या नागरिकांना मुख्यमंत्री उद्धव बाळासाहेब ठाकरे यांनी विनम्र अभिवादन केले आहे. तसेच हल्ल्याविरोधात निकराचा लढा देणाऱ्यांविषयी कृतज्ञता व्यक्त करत हा हल्ला दहशतवाद्यांची भ्याड मनोवृत्ती स्पष्ट करणारा होता अशी निर्भत्सना केली आहे.
— CMO Maharashtra (@CMOMaharashtra) November 26, 2021
વડાપ્રધાનના કાર્યાલયે પણ આ ટ્વિટ કરી લખ્યું કે “આજે 26/11 એ આપણા માટે ખૂબ જ દુઃખદ દિવસ છે, જ્યારે દેશના દુશ્મનોએ દેશની અંદર આવીને મુંબઈમાં આતંકવાદી ઘટનાને અંજામ આપ્યો હતો : વડાપ્રધાન નરેન્દ્ર મોદી”
आज 26/11 हमारे लिए एक ऐसा दुखद दिवस है, जब देश के दुश्मनों ने देश के भीतर आकर मुंबई में आतंकवादी घटना को अंजाम दिया: PM @narendramodi
— PMO India (@PMOIndia) November 26, 2021
કેન્દ્રીય ગૃહપ્રધાન અમિત શાહે લખ્યું કે “મુંબઈ 26/11ના આતંકવાદી હુમલામાં જીવ ગુમાવનારાઓને હૃદયપૂર્વક શ્રદ્ધાંજલિ અને કાયરતાપૂર્ણ હુમલામાં આતંકવાદીઓનો બહાદુરીથી સામનો કરનારા તમામ સુરક્ષા કર્મચારીઓની હિંમતને સલામ. આખા દેશને તમારી બહાદુરી પર ગર્વ છે. કૃતજ્ઞ રાષ્ટ્ર તમારા બલિદાન માટે હંમેશા ઋણી રહેશે.”
मुंबई 26/11 आतंकी हमलों में जान गंवाने वालों को भावपूर्ण श्रद्धांजलि देता हूँ और उन सभी सुरक्षाकर्मियों के साहस को सलाम करता हूं, जिन्होंने कायरतापूर्ण हमलों में आतंकवादियों का डटकर सामना किया। पूरे देश को आपकी वीरता पर गर्व रहेगा। कृतज्ञ राष्ट्र सदैव आपके बलिदान का ऋणी रहेगा। pic.twitter.com/rgW2xsoXVj
— Amit Shah (@AmitShah) November 26, 2021
ઉલ્લેખનીય છે કે આતંકવાદીઓએ સૌથી પહેલા છત્રપતિ શિવાજી રેલવે ટર્મિનસ પર રાત્રે 9.30 કલાકે ગોળીબાર કર્યો હતો. આતંકવાદીઓએ AK47થી 15 મિનિટ સુધી ગોળીબાર કર્યો હતો, જેમાં 52 લોકો માર્યા ગયા હતા અને 100થી વધુ લોકો ઘાયલ થયા હતા. ત્યાર બાદ લગભગ 10.30 વાગ્યે, વિલે પાર્લે વિસ્તારમાં એક ટેક્સીને આતંકવાદીઓએ બોમ્બથી ઉડાવી દીધી હતી. જેમાં ટેક્સી ડ્રાઈવર સહિત એક મુસાફરનું મોત થયું હતું. તે જ સમયે, 15 મિનિટ પછી, બોરી બંદરથી બીજી ટેક્સીને ઉડાવી દેવામાં આવી હતી જેમાં બે મુસાફરોના મોત થયા હતા. તે જ સમયે, લગભગ 15 લોકો ઘાયલ થયા હતા.
આતંકવાદીઓએ મુંબઈમાં તાજ હોટેલ, ઓબેરોય ટ્રાઈડેન્ટ હોટેલ અને નરીમવ હાઉસ પર પણ હુમલો કર્યો હતો. તે જ સમયે, 29 નવેમ્બરની સવાર સુધીમાં, સુરક્ષા દળોએ 9 આતંકવાદીઓને ઠાર માર્યા હતા. તે જ સમયે અજમલ કસાબ પોલીસ કસ્ટડીમાં હતો.
