આ વિશાળ હમર શેખ હમાદ બિન હમદાન અલ નાહયાન દ્વારા તૈયાર કરવામાં આવ્યું હતું
હમર એચ1
હમવી મિલિટરી ટ્રક એમ૯૯૮નું સિવિલિયન વર્ઝન હમર એચ1 સામે રોડ પર જોવા મળતી સામાન્ય કાર તેમ જ મોટા ભાગની એસયુવી વામણી સાબિત થાય છે. જોકે કોઈને H1 હમર કરતાં મોટા કદનું હમર જોઈતું હોય તો એના આઇકૉનિક ઑ રોડરનું સ્કેલ-અપ વર્ઝન હમરH1X3 યોગ્ય લેખાશે જે ૬.૬ મીટર ઊંચું અને ૧૪ મીટર લાંબું તથા ૬ મીટર પહોળું છે. રાક્ષસી કદના આ હમરને જોઈને યુએઈના રસ્તા પરનાં વાહનો રોકાઈ ગયાં હતાં તથા વાહનચાલકો એને વિસ્મયપૂર્વક જોતા રહી ગયા હતા.
આ વિશાળ હમર શેખ હમાદ બિન હમદાન અલ નાહયાન દ્વારા તૈયાર કરવામાં આવ્યું હતું. રેનબો શેખના નામે ઓળખાતા યુએઈના આ અરબપતિ પાસે વિશાળ વાહનોનો મોટો સંગ્રહ છે.
આ સુપરસાઇઝ્ડ હમર રેઇનબો શેખની માલિકીના શારજાહ સ્થિત હિસ્ટરી મ્યુઝિયમમાં લઈ જવા માટે રસ્તા પર ઉતારવામાં આવ્યું હતું. આ મહાકાય H1 X3 ફોર-વ્હીલ ડ્રાઇવ સિસ્ટમ ધરાવે છે. એના પ્રત્યેક વ્હીલ પાવર મેળવવા માટે વ્યક્તિગત ચાર ડીઝલ એન્જિન ધરાવે છે. અંદરથી એ લાકડાનું ફ્લોરિંગ ધરાવતા ઘર જેવું જણાય છે.
