ઓટાવા, કૅનેડામાં હાઈ કમિશને આ ઘટનાની આકરી ટીકા કરી હતી.
પ્રતીકાત્મક તસવીર સૌજન્ય આઇસ્ટૉક
યુકેમાં લેબર પાર્ટીએ લેસ્ટરમાં એના ૧૮ કાઉન્સિલરનાં નામ રદ કર્યાં છે જેમાં એના તમામ હિન્દુ કાઉન્સિલર્સ પણ સામેલ છે. એના લીધે હવે આ કાઉન્સિલર્સ મે મહિનામાં યોજાનારી આગામી લોકલ ચૂંટણીમાં ઉમેદવારી નહીં નોંધાવી શકે. આ ૧૮ કાઉન્સિલર્સમાંથી છ હિન્દુ અને એક ક્રિશ્ચન સહિત સાત ભારતીય મૂળના ઉમેદવારો છે. બીજી તરફ કૅનેડાના ઓન્ટેરિયોમાં વધુ એક હિન્દુ મંદિરને ટાર્ગેટ કરવામાં આવ્યું હતું. આ મંદિર પર સ્પ્રેથી હિન્દુ વિરોધી અને ભારત વિરોધી લખાણ લખવામાં આવ્યું હતું. ઓન્ટેરિયોના વિન્ડસર સિટીની પોલીસે જણાવ્યું હતું કે એણે આ ઘટનાની તપાસ શરૂ કરી છે અને તેઓ બે શકમંદોની શોધ કરી રહ્યા છે. ઓટાવા, કૅનેડામાં હાઈ કમિશને આ ઘટનાની આકરી ટીકા કરી હતી. કૅનેડામાં આ પહેલાં પણ હિન્દુ મંદિરોને નુકસાન પહોંચાડવાની ઘટનાઓ બની છે.
