ડોનલ્ડ ટ્રમ્પ જુનિયરની દીકરી કાઈએ ટ્રમ્પ પરિવારનો ફૅમિલી-ફોટો પોસ્ટ કર્યો છે જેમાં ડોનલ્ડ ટ્રમ્પ, તેમનાં પાંચ સંતાન અને અબજપતિ ઈલૉન મસ્ક દેખાય છે; પણ તેમની પત્ની મેલૅનિયા ટ્રમ્પ દેખાતી નથી
ડોનલ્ડ ટ્રમ્પનો ફૅમિલી-ફોટો
અમેરિકાના પ્રેસિડન્ટપદે ડોનલ્ડ ટ્રમ્પ ફરી ચૂંટાઈ આવ્યા છે અને ડોનલ્ડ ટ્રમ્પ જુનિયરની દીકરી કાઈએ ટ્રમ્પ પરિવારનો ફૅમિલી-ફોટો પોસ્ટ કર્યો છે જેમાં ડોનલ્ડ ટ્રમ્પ, તેમનાં પાંચ સંતાન અને અબજપતિ ઈલૉન મસ્ક દેખાય છે; પણ તેમની પત્ની મેલૅનિયા ટ્રમ્પ દેખાતી નથી. આથી લોકો સવાલ પૂછી રહ્યા છે કે મેલૅનિયા ક્યાં છે? ટ્રમ્પે વિજય પછી વિક્ટરી-સ્પીચ આપી ત્યારે મેલૅનિયા હાજર હતી અને પતિદેવે ભાષણની વચ્ચે તેને કિસ પણ કરી હતી, પણ ફૅમિલી-ફોટોમાંથી તે ગાયબ છે એટલે ચર્ચા ઊપડી છે.
સોશ્યલ મીડિયા પ્લૅટફૉર્મ પર મૂકવામાં આવેલા આ ફોટોગ્રાફના કમેન્ટ્સ સેક્શનમાં લોકોએ કમેન્ટ કરતાં લખ્યું છે કે ઈલૉન મસ્ક પણ હવે ટ્રમ્પ-ફૅમિલીનો ભાગ છે, પણ મેલૅનિયા ક્યાંય દેખાતી નથી; તે ક્યાં છે?
ADVERTISEMENT
ડોનલ્ડ ટ્રમ્પના ચૂંટણીપ્રચારમાં પણ એક જ સવાલ પુછાતો હતો કે મેલૅનિયા ક્યાં છે? લાંબા સમય સુધી તે ચૂંટણીપ્રચારથી દૂર રહી હતી. જોકે ઑક્ટોબરમાં ન્યુ યૉર્ક સિટીમાં મૅડિસન સ્ક્વેર ગાર્ડન રૅલીમાં તે જોવા મળી હતી. આ સિવાય જુલાઈમાં રિપબ્લિકન નૅશનલ કન્વેન્શનમાં પણ તે ઉપસ્થિત હતી અને ત્યાં તેણે પ્રવચન પણ કર્યું હતું.
