આ બ્રિજ દુનિયાના સૌથી ઊંચા આઇફલ ટાવર કરતાં ૨૦૦ મીટર ઊંચો છે. એનું વજન આઇફલ ટાવર કરતાં ત્રણગણું વધારે છે.
હુઆજિયાંગ ગ્રૅન્ડ કૅન્યન બ્રિજ
ચીન જૂન મહિનામાં હુઆજિયાંગ ગ્રૅન્ડ કૅન્યન બ્રિજ ખુલ્લો મૂકશે જે દુનિયાનો સૌથી ઊંચો બ્રિજ છે. આ બ્રિજથી ગ્રામીણ એવા આ વિસ્તારમાં એક કલાકનો પ્રવાસ એક જ મિનિટમાં કરવો શક્ય બનશે. બે માઇલ (આશરે ૩.૧૨ કિલોમીટર)નો આ બ્રિજ ખીણ પર બાંધવામાં આવ્યો છે જેની પાછળ આશરે ૨૨૦૦ કરોડ રૂપિયાનો ખર્ચ થયો છે. આ બ્રિજ દુનિયાના સૌથી ઊંચા આઇફલ ટાવર કરતાં ૨૦૦ મીટર ઊંચો છે. એનું વજન આઇફલ ટાવર કરતાં ત્રણગણું વધારે છે. ચીનના ઉત્કૃષ્ટ એન્જિનિયરિંગનો એ નમૂનો છે અને આ વિસ્તારમાં ટૂરિઝમને વેગ આપશે.
આ બ્રિજ બાંધવામાં ૨૨,૦૦૦ ટન સ્ટીલનો વપરાશ થયો છે અને આ માળખું બે મહિનામાં ફિટ કરી દેવામાં આવ્યું છે. ચીનના ગ્રામીણ વિસ્તારમાં આ મહત્ત્વપૂર્ણ લિન્ક પૂરી પાડશે અને પ્રવાસીઓ માટે આકર્ષણનું કેન્દ્ર બનશે. આ બ્રિજ પર ચાલવા માટે કાચનો રસ્તો અને દુનિયાનું સૌથી ઊંચું બંજી જમ્પિંગ ઊભું કરવાની પણ યોજના છે.
ADVERTISEMENT
જ્યાં આ બ્રિજ બાંધવામાં આવ્યો છે એ વિસ્તારમાં ચીનના સૌથી ઊંચા ૧૦૦માંથી આશરે ૫૦ બ્રિજ બાંધવામાં આવ્યા છે. ૨૦૧૬માં ચીનમાં સૌથી ઊંચો બ્રિજ બેઇપંજિયાંગમાં બાંધવામાં આવ્યો હતો જેની ઊંચાઈ ૧૮૫૪ ફુટ હતી.
