રાહુલ ગાંધીની સજાને પડકારતા કેસની સુનાવણી આગામી 3 મેના રોજ સુરત જિલ્લા અને સેશન્સ કોર્ટમાં હાથ ધરવામાં આવશે
ફાઇલ તસવીર
મોદી અટક કેસમાં લોકસભાની સભ્યપદ ગુમાવનાર રાહુલ ગાંધી (Rahul Gandhi) આ નિર્ણયને પડકારવા માટે સોમવારે સુરત ગયા છે. કૉંગ્રેસ (Congress)ના નેતા રાહુલ ગાંધી અને પ્રિયંકા ગાંધી (Priyanka Gandhi) દિલ્હીથી ફ્લાઇટમાં સુરત (Surat) જવા રવાના થયા છે. તેમની સાથે કૉંગ્રેસના અન્ય ઘણા નેતાઓ પણ જઈ રહ્યા છે. રાહુલ ગાંધી આજે કોર્ટમાં નિયમિત જામીન માટે અરજી પણ દાખલ કરશે.
આવી સ્થિતિમાં આજે સુરત કોર્ટમાં રાહુલ ગાંધી વતી બે અરજી દાખલ કરવામાં આવશે. તેમણે કહ્યું કે “અમે નીચલી કોર્ટના નિર્ણયને પડકારીશું, જેમાં કોર્ટના નિર્ણયને રદ કરવાની અરજી કરવામાં આવશે. બીજી નિયમિત જામીન અરજી દાખલ કરશે. કોર્ટમાં નિયમિત જામીનની સુનાવણી થશે.”
ADVERTISEMENT
ફ્લાઈટની અંદરનો એક વીડિયો પણ સામે આવ્યો છે, જેમાં રાહુલ ગાંધી અને તેમની બહેન પ્રિયંકા ગાંધી સુરત જતી ફ્લાઈટમાં સાથે બેઠાં છે. આ પહેલા કૉંગ્રેસની પૂર્વ અધ્યક્ષ સોનિયા ગાંધી તેમને મળવા માટે દિલ્હીમાં રાહુલ ગાંધીના નિવાસસ્થાને પહોંચ્યાં હતાં. રાહુલ ગાંધી બપોરે 2 વાગ્યાની આસપાસ સુરત પહોંચ્યા હતા. રાજસ્થાનના મુખ્યપ્રધાન અશોક ગેહલોત, કૉંગ્રેસના રાજ્યસભા સભ્ય કેસી વેણુગોપાલ અને અન્ય વરિષ્ઠ પક્ષના નેતાઓ પણ તેમની સાથે રહેશે.
નોંધપાત્ર રીતે 23 માર્ચે સુરતમાં ચીફ જ્યુડિશિયલ મેજિસ્ટ્રેટ એચએચ વર્માની કોર્ટે રાહુલ ગાંધીને દોષી ઠેરવ્યા હતા અને 2019માં તેમની `મોદી અટક` ટિપ્પણી પર તેમની સામે દાખલ કરાયેલ ફોજદારી માનહાનિના કેસમાં તેમને બે વર્ષની જેલની સજા ફટકારી હતી. સજા સંભળાવ્યાના બીજા જ દિવસે કૉંગ્રેસના પૂર્વ અધ્યક્ષને લોકસભામાંથી ગેરલાયક ઠેરવવામાં આવ્યા હતા. ગેરલાયક ઠર્યા બાદ, રાહુલ ગાંધી 8 વર્ષ સુધી ચૂંટણી લડી શકશે નહીં, જ્યાં સુધી હાઈકોર્ટ તેમની સજા પર સ્ટે ન મૂકે.
આ પણ વાંચો: કેજરીવાલ તો કાયદાની મજાક ઉડાડે છે
ઉલ્લેખનીય છે કે 2019ના માનહાનિ કેસમાં રાહુલ ગાંધીની સજાને પડકારતા કેસની સુનાવણી આગામી 3 મેના રોજ સુરત જિલ્લા અને સેશન્સ કોર્ટમાં હાથ ધરવામાં આવશે, જેણે સોમવારે તેમના જામીન 13 એપ્રિલ સુધી લંબાવ્યા હતા. સુરત સેશન્સ કોર્ટે રાહુલ ગાંધીની અપીલ સ્વીકારી છે અને ફોજદારી માનહાનિ કેસની અપીલમાં જામીન આપ્યા છે. અપીલના નિકાલ સુધી બે વર્ષની સજા સ્થગિત કરવામાં આવી છે.
