Makar Sankranti Gujarat: હાલમાં મકરસંક્રાંતિ દરમિયાન પતંગના દોરીથી ઘાયલ થયેલા પક્ષીઓની સારવાર બોરીવલીના ગીતાંજલિ જૈન મંદિર દ્વારા કરવામાં આવી રહી છે. આ સાથે પોલીસ અને પ્રશાસન દ્વારા પણ લોકોને કાળજી લેવા માટે સૂચના આપવામાં આવી રહી છે.
પ્રતીકાત્મક તસવીર સૌજન્ય મિડ-ડે
મકર સંક્રાંતિ, ઉત્તરાયણની ઉજવણી (Makar Sankranti Gujarat) સંપૂર્ણ દેશમાં ઉજવણી થઈ રહી છે. આ તહેવારનો સૌથી વધુ ઉત્સાહ ગુજરાતમાં જોવા મળે છે, જોકે ગુજરાતના સુરતમાં પતંગના માંજાને કારણે અનેક લોકો અને પક્ષીઓ ગંભીર રીતે ઘાયલ થયા હોવાના સમાચાર મળી રહ્યા છે. મકર સંક્રાંતિની પૂર્વસંધ્યાથી જ શહેરના વિવિધ વિસ્તારોમાં પતંગના દોરાને કારણે પાંચ લોકો ઘાયલ થયા હતા.
પહેલી ઘટનામાં, ૩૩ વર્ષીય પિન્ટુ અશ્વિન ધગધરિયા, જે તેની માતા સાથે મોપેડ પર સવાર હતો, તેને પતંગની દોરી ગળામાં ફસાઈ જતાં ઈજા થઈ હતી. તેને સારવાર માટે સ્મીમર હૉસ્પિટલમાં (Makar Sankranti Gujarat) લઈ જવામાં આવ્યો હતો. બીજી ઘટના હીરાબાગ સર્કલ પાસે બની હતી જેમાં પતંગની દોરી તેના ગળામાંથી વાગી જતાં ૧૫ વર્ષીય હેતલ સોમાભાઈ દેવીપૂજકને ૧૦૮ એમ્બ્યુલન્સ દ્વારા તાત્કાલિક સ્મીમર હૉસ્પિટલમાં લઈ જવામાં આવી હતી. ત્રીજી ઘટનામાં, ૨૦ વર્ષીય શિવમ રામશંકર યાદવ અમરોલીમાં બાઇક ચલાવી રહ્યો હતો ત્યારે પતંગની દોરી તેના ગળામાં વાગી ગઈ હતી. તેને ઈજા થઈ હતી અને તેને સારવાર માટે સ્મીમર હૉસ્પિટલમાં લઈ જવામાં આવ્યો હતો.
ADVERTISEMENT
ચોથી ઘટનામાં, કાપોદ્રાના ગાયત્રીનગરમાં ટેરેસ પર પતંગ ઉડાડી (Makar Sankranti Gujarat) રહેલા ૧૩ વર્ષીય તોસિફ સકીલ પઠાણ નીચે પડી ગયો અને તેને ઈજા થઈ હતી. તેને સારવાર માટે સ્મીમર હૉસ્પિટલમાં પણ લઈ જવામાં આવ્યો હતો. પાંચમી ઘટનામાં, ભાગલ ટાવર રોડ નજીક પતંગ ઉડાવતા ૧૯ વર્ષીય વિકેશ મુકેશભાઈને પતંગની દોરી સાથે બાંધેલા પથ્થર વાગ્યો થયો હતો જેને કારણે તેને માથામાં ઈજા થઈ હતી અને તેને સારવાર માટે સ્મીમર હૉસ્પિટલમાં લઈ જવામાં આવ્યો હતો.
આ ઘટનાઓ પતંગ (Makar Sankranti Gujarat) ઉડાવવા સાથે સંકળાયેલા જોખમો અને સાવધાની રાખવાની જરૂરિયાતને ઉજાગર કરે છે. પોલીસે લોકોને સતર્ક રહેવા અને પતંગની દોરીથી થતી ઇજાઓ ટાળવા માટે સાવચેતી રાખવાની સલાહ આપી છે. ૧૪ અને ૧૫ જાન્યુઆરીના રોજ બે દિવસના પતંગ ઉડાવવાના ઉત્સવ દરમિયાન પતંગની દોરીથી થતી ઇજાઓ અને મૃત્યુને રોકવા માટે સુરત શહેરના તમામ ફ્લાયઓવર ટુ-વ્હીલર વાહનચાલકો માટે ટ્રાફિક માટે બંધ છે. આ દરમિયાન, ઉત્તરાયણ પહેલા એક દિવસમાં તીક્ષ્ણ દોરીથી ૫૪૭ પક્ષીઓ ઘાયલ થયા હતા. જેમાંથી ૧૯ પક્ષીઓના મોત થયા હોવાના અહેવાલ પણ છે.
મુંબઈમાં પણ મકર સંક્રાંતિની ઉજવણી
મુંબઈમાં (Makar Sankranti Gujarat) પણ મકર સંક્રાંતિની ઉજવણી દરમિયાન પતંગના માંજાને કારણે લોકો અને પક્ષીઓ ઘાયલ થયા હોવાની ઘટનાઓ બની રહી છે. હાલમાં મકરસંક્રાંતિ દરમિયાન પતંગના દોરીથી ઘાયલ થયેલા પક્ષીઓની સારવાર બોરીવલીના ગીતાંજલિ જૈન મંદિર દ્વારા કરવામાં આવી રહી છે. આ સાથે પોલીસ અને પ્રશાસન દ્વારા પણ લોકોને કાળજી લેવા માટે સૂચના આપવામાં આવી રહી છે.
