ગઈ કાલે ગુજરાત હાઈ કોર્ટનાં જસ્ટિસ સંગીતા વિશેન સમક્ષ આ કેસની સુનાવણી હાથ ધરાઈ હતી
ફિલ્મ મહારાજ
રજૂ થતાં પહેલાં વિવાદમાં સપડાયેલી ‘મહારાજ’ ફિલ્મ સામેનો સ્ટે ગુજરાત હાઈ કોર્ટે આજ (બુધવાર) સુધી લંબાવ્યો છે અને આ કેસમાં આજે વધુ સુનાવણી હાથ ધરવામાં આવશે. ગઈ કાલે ગુજરાત હાઈ કોર્ટનાં જસ્ટિસ સંગીતા વિશેન સમક્ષ આ કેસની સુનાવણી હાથ ધરાઈ હતી, જેમાં યશરાજ ફિલ્મ્સ અને નેટફ્લિક્સ વતી તેમનો પક્ષ રજૂ કરવામાં આવ્યો હતો અને લગભગ અઢી કલાક સુધી દલીલો ચાલી હતી. બૉલીવુડના જાણીતા અભિનેતા આમિર ખાનનો પુત્ર જુનૈદ ખાન આ ફિલ્મથી લૉન્ચ થઈ રહ્યો છે, પરંતુ હિન્દુ ધર્મની લાગણીને ઠેસ પહોંચાડતી હોવાના મુદ્દે આ ફિલ્મ સામે વિરોધ ઊઠ્યો છે.
