Bomb Threat to Rajkot, Kolkata and Tirupati Hotels: આ ઈમેલ એવા દિવસે આવ્યો જ્યારે ગૃહ પ્રધાન અમિત શાહ બંગાળની મુલાકાતે આવ્યા હતા. જોકે, આ ઈમેલ મળ્યા બાદ બૉમ્બ શોધવાની કાર્યવાહી શરૂ કરવામાં આવી હતી, પરંતુ કંઈ મળ્યું ન હતું.
પ્રતીકાત્મક તસવીર સૌજન્ય AI
કોલકાતા, તિરુપતિ અને રાજકોટમાં શનિવારે લગભગ બે ડઝન જેટલી હૉટેલોમાં બૉમ્બની ધમકીઓ ધરાવતા ઈમેલ મળ્યા બાદ ખળભળાટ મચી ગયો હતો જોકે તે ખોટા હોવાનું સામે આવ્યું હતું. આ ઘટનાથી આનાથી ડર વધી ગયો છે કે તહેવારોની મોસમ દરમિયાન વિમાનો અને એરપોર્ટને (Bomb Threat to Rajkot, Kolkata and Tirupati Hotels) નિશાન બનાવતો આ ખતરો અન્ય મુખ્ય વિસ્તારોમાં પણ ફેલાઈ રહ્યો છે. કોલકાતાની ઓછામાં ઓછી 10 મોટી હૉટેલોને ધમકીઓ મળી છે. આમાંથી મોટાભાગની સ્ટાર હૉટેલ છે. આ ઈમેલ એવા દિવસે આવ્યો જ્યારે ગૃહ પ્રધાન અમિત શાહ બંગાળની મુલાકાતે આવ્યા હતા. જોકે, આ ઈમેલ મળ્યા બાદ બૉમ્બ શોધવાની કાર્યવાહી શરૂ કરવામાં આવી હતી, પરંતુ કંઈ મળ્યું ન હતું. કોલકાતાના એક પોલીસકર્મીએ જણાવ્યું હતું કે, `આ વર્ષની શરૂઆતમાં શાળાઓને ધમકીઓ આપ્યા બાદ મોકલવામાં આવેલા ઈમેલ્સ જેવી જ પેટર્ન પર હતી.`
કોલકાતા પોલીસે છેલ્લા એક સપ્તાહમાં વિમાનોને અનેક ધમકીઓ આપ્યા બાદ કેન્દ્રીય એજન્સીઓને એલર્ટ કર્યા છે. ટોચના અધિકારીઓએ જણાવ્યું કે ઈમેલ મોકલનારએ રિયાલિટી ઈઝ ફેક નામનો ઉપયોગ કર્યો હતો. એક ઈમેલમાં કહેવાયું છે કે, `મેં તમારી હૉટેલના પરિસરમાં બૉમ્બ (Bomb Threat to Rajkot, Kolkata and Tirupati Hotels) પ્લાન્ટ કર્યા છે. બૉમ્બ કાળી બેગમાં છુપાયેલા છે. તેઓ ટૂંક સમયમાં વિસ્ફોટ કરશે. તમારી પાસે જીવવા માટે બહુ ઓછો સમય છે. ખાલી કરાવું છું.` શનિવારે તિરુપતિની ત્રણ હૉટેલોને ધમકીઓ મોકલવામાં આવી હતી, જેમાં છેલ્લા બે દિવસમાં આંધ્ર શહેરમાં ચાર મિલકતોને નિશાન બનાવતા હુમલાની શ્રેણીમાં ઉમેરો થયો હતો પણ આ બધુ ખોટું હતું.
ADVERTISEMENT
જુલાઇમાં કેન્દ્રીય એજન્સીઓ દ્વારા પર્દાફાશ કરાયેલા મોટા ડ્રગ રેકેટના કથિત કિંગપિન જાફર સાદિકનો આ ધમકીભર્યા ઇમેલનો ઉલ્લેખ કરવામાં આવ્યો હતો. શનિવારે મળેલી ધમકીમાં અન્ય બે નામોનો પણ ઉલ્લેખ કરવામાં આવ્યો હતો. તમિલનાડુના (Bomb Threat to Rajkot, Kolkata and Tirupati Hotels) નાયબ મુખ્ય પ્રધાન ઉધયનિધિ સ્ટાલિનની પત્ની કિરુથિગા અને તમિલનાડુના ડીજીપી શંકર જીવાલને મળેલા ઈમેલમાં `અફઝલ ગુરુનો પુનર્જન્મ થશે! અલ-બદર!` એવો ઉલ્લેખ હતો - 2001 સંસદ હુમલાના દોષિતનો ઉલ્લેખ છે, જેને 2013માં ફાંસી આપવામાં આવી હતી. ઈમેલમાં એવો પણ દાવો કરવામાં આવ્યો હતો કે આંધ્રના સીએમ એન ચંદ્રબાબુ નાયડુની કાર હૉટેલના `IED` સાથે જોડાયેલી હતી.
ગુજરાતના રાજકોટમાં શનિવારે બપોરે 12.45 વાગ્યાની આસપાસ 10 હૉટેલોને એક જ આઈડી `કાન દીન` પરથી એક સાથે ઈમેલ મળ્યા હતા, જેમાં બૉમ્બ બ્લાસ્ટની ધમકી (Bomb Threat to Rajkot, Kolkata and Tirupati Hotels) આપવામાં આવી હતી. રાજકોટ ડીસીપી પાર્થરાજસિંહ ગોહિલે જણાવ્યું હતું કે હૉટેલોની તપાસ કરવામાં આવી હતી, પરંતુ કંઈપણ શંકાસ્પદ મળ્યું નથી. સતત ધમકીઓ વચ્ચે કેન્દ્રએ એડવાઈઝરી જાહેર કરી છે. IT મંત્રાલયે સોશિયલ મીડિયા પ્લેટફોર્મને ખોટી માહિતીને તાત્કાલિક દૂર કરવા અથવા તેની ઍક્સેસને અવરોધિત કરવા જણાવ્યું છે. આઇટી નિયમો મુજબ, આ નિર્ધારિત સમયમર્યાદામાં કરવું જરૂરી છે.
