શ્વેતા તિવારી હવે રોહિત શેટ્ટીની ‘સિંઘમ અગેઇન’માં જોવા મળવાની છે
શ્વેતા તિવારી
શ્વેતા તિવારી હવે રોહિત શેટ્ટીની ‘સિંઘમ અગેઇન’માં જોવા મળવાની છે. રોહિત શેટ્ટી તેની કોપ યુનિવર્સને ઓટીટી પર લાવી રહ્યો છે. ‘ઇન્ડિયન પોલીસ ફોર્સ’માં પણ તે કામ કરી રહી છે અને આ સાથે જ તે અજય દેવગન, અક્ષયકુમાર, રણવીર સિંહ, અર્જુન કપૂર, દીપિકા પાદુકોણ, ટાઇગર શ્રોફ અને કરીના કપૂર ખાનની ‘સિંઘમ અગેઇન’માં પણ જોવા મળશે. આ ફિલ્મમાં તે ઇન્ટેલિજન્સ ઑફિસરનું પાત્ર ભજવી રહી છે. આ વિશે વાત કરતાં શ્વેતાએ કહ્યું કે ‘રોહિત શેટ્ટીએ મને કહ્યું કે તેઓ મને વધુ એક ફિલ્મની ઑફર આપશે, જો હું દરરોજ ‘ઇન્ડિયન પોલીસ ફોર્સ’ના સેટ પર ઘરે બનાવેલું ખાવાનું લઈ આવું. જોકે એવું કંઈ પણ ન કર્યા છતાં તેમણે મને બીજી ફિલ્મની ઑફર આપી દીધી છે. રોહિત શેટ્ટીના કોપ યુનિવર્સમાં હોઉં એ એક ગર્વની વાત છે. હું ખૂબ ઉત્સાહી હતી જ્યારે મને તેમની ટીમ તરફથી કૉલ આવ્યો હતો. તેમણે મને કહ્યું કે તમે ઇન્ટરેસ્ટેડ છો ત્યારે મેં તરત હા પાડી દીધી હતી. તેમણે મને કહ્યું કે મારા પાત્ર વિશે જાણવું છે તો મેં કહ્યું કે વાંધો નહીં, હું આ કરી રહી છું.’
