આ સિરીઝમાં કુણાલ ઇન્વેસ્ટિગેશન ઑફિસરના રોલમાં દેખાશે
કુણાલ ખેમુ
કુણાલ ખેમુએ આગામી થ્રિલર ‘અભય’ની ત્રીજી સીઝનનું શૂટિંગ શરૂ કરી દીધું છે. આ સિરીઝમાં કુણાલ ઇન્વેસ્ટિગેશન ઑફિસરના રોલમાં દેખાશે. તેની સાથે આશા નેગી, નિધિ સિંહ, રિતુરાજ સિંહ અને એલનાઝ નોરોઝી પણ જોવા મળશે. ZEE5 પર આ શોનું પ્રીમિયર કરવામાં આવશે. શોને લઈને પોતાની ખુશી વ્યક્ત કરતાં કુણાલ ખેમુએ કહ્યું હતું કે ‘હું ઉત્સાહી અને આભારી છું કે મને આ સિરીઝમાં કામ કરવાની તક મળી કે જેને સૌથી વધુ પસંદ કરવામાં આવી હતી. આ ફ્રૅન્ચાઇઝીમાં મુખ્ય ભાગ બનવું એ મારા માટે અદ્ભુત છે. ‘અભય 3’નું શૂટિંગ શરૂ કરી દીધું છે.’
પહેલી બે સીઝનની જેમ ત્રીજી સીઝનને પણ કેન ઘોષ ડિરેક્ટ કરશે. એ વિશે કેન ઘોષે કહ્યું હતું કે ‘તમામ ફ્રેન્ડ્સ, ફૅન્સ અને શુભચિંતકો સતત પૂછ્યા કરે છે તો તેમને જણાવી દઉં કે અમે ‘અભય 3’નું શૂટિંગ શરૂ કરી દીધું છે. આ ઑફિશ્યલ જાહેરાત છે અને ટૂંક સમયમાં જ તમારો ફેવરિટ ડિટેક્ટિવ ‘અભય 3’માં તમારી સ્ક્રીન પર જોવા મળશે.’
