શોમાં કલકત્તાની સોનાક્ષીએ ‘વાદા રહા સનમ’ ગીત પર પર્ફોર્મ કર્યું હતું
નીલમ કોઠારી અને આયેશા ઝુલ્કા
નીલમ કોઠારી અને આયેશા ઝુલ્કા હાલમાં જ ‘ઇન્ડિયન આઇડલ 13’ની સ્પર્ધક સોનાક્ષી કાર માટે સીક્રેટ સૅન્ટા બની હતી. આ શોમાં નીલમ અને આયેશા બન્ને મહેમાન તરીકે જોવા મળી હતી. શોમાં કલકત્તાની સોનાક્ષીએ ‘વાદા રહા સનમ’ ગીત પર પર્ફોર્મ કર્યું હતું. આ પર્ફોર્મન્સ દરમ્યાન એક વિડિયો પ્લે કરવામાં આવ્યો હતો જેમાં સોનાક્ષી સેલિબ્રિટી ફિટનેસ ટ્રેઇનર સંગીતા પાસે ફિટનેસ ટ્રેઇનિંગ લેતી જોવા મળી રહી છે.
આ ફિટનેસ ટ્રેઇનિંગનું સબસ્ક્રિપ્શન સોનાક્ષી માટે નીલમ અને આયેશાએ આપ્યું છે. સોનાક્ષીનું ગીત સાંભળીને આયેશાએ કહ્યું હતું કે ‘આ ગીત સોનાક્ષી પાસે સાંભળીને હું ખૂબ જ ખુશ થઈ છું. તેણે ખૂબ જ સારી રીતે ગાયું છે. આ ગીતે મારા માટે ઘણી યાદોને તાજી કરી દીધી છે. હું ખૂબ જ ઇમોશનલ થઈ ગઈ છું. આ ગીતને ૩૦ વર્ષ થઈ ગયાં છે અને મારી ઘણી યાદો તાજી થઈ ગઈ છે. કાશ, હું ફરી પર્વતો પર જઈને આ ગીતને રીક્રિએટ કરી શકું.’
