માધુરીને કોણે ઇમ્પ્રેસ કરી?

માધુરીએ એમ પણ કહ્યું હતું કે બિદિપ્તામાં ઍક્ટ્રેસ બનવાના પણ ગુણ છે

માધુરી દી​ક્ષિત

માધુરી દીક્ષિત નેને હાલમાં જ એક વ્યક્તિથી ઇમ્પ્રેસ થઈ છે. આ વ્યક્તિ ‘ઇન્ડિયન આઇડલ 13’ની સ્પર્ધક બિદિપ્તા ચક્રબોર્તી છે. આ શોમાં હવે આઠ સ્પર્ધક બાકી રહી ગયા છે. આ શોમાં માધુરી જોવા મળી હતી. બિદિપ્તાએ ‘તૂ શાયર હૈ’, ‘હમકો આજકલ હૈ ઇન્તઝાર’ અને ‘એક દો તીન ચાર’ ગીત પર પર્ફોર્મ કર્યું હતું. આ પર્ફોર્મન્સને લઈને માધુરીએ કહ્યું હતું કે ‘બિદિપ્તા એક અદ્ભુત સિંગર છે. તે જે રીતે તેની આંખો દ્વારા પર્ફોર્મ કરે છે એનાથી લોકો તેના અવાજના પણ દીવાના બની જાય છે.’

માધુરીએ એમ પણ કહ્યું હતું કે બિદિપ્તામાં ઍક્ટ્રેસ બનવાના પણ ગુણ છે. ત્યાર બાદ બિદિપ્તાએ માધુરીનો જ ડાયલૉગ બોલીને તેની ઍક્ટિંગ કરી દેખાડી હતી.