સાથે એવી પણ વાતો થઈ રહી છે કે શો જમ્પ લેવાનો છે
રૂપાલી અને ગૌરવ
‘અનુપમા’ સિરિયલ આજે સૌથી વધુ લોકપ્રિય છે. ૨૦૨૦માં આ શોની શરૂઆત થઈ છે. સ્ટાર પ્લસ પર આવતા આ શોનાં કૅરૅક્ટર ઘર-ઘરમાં જાણીતાં છે. એવામાં અનુપમાનો રોલ કરતી રૂપાલી ગાંગુલી અને અનુજના રોલમાં દેખાતો ગૌરવ ખન્ના શોને અલવિદા કહી દેશે એવી અફવા ફેલાઈ છે. એને શોના પ્રોડ્યુસર રાજન શાહીએ પાયાવિહોણી ગણાવી છે. સાથે એવી પણ વાતો થઈ રહી છે કે શો જમ્પ લેવાનો છે અને આ જ કારણ છે કે તે બન્નેના કૅરૅક્ટરનો અંત આવશે તથા ફ્રેશ સ્ટોરી સાથે શોને આગળ વધારવામાં આવશે. આ અફવા ફેલાતાં જ તેમના ફૅન્સ નારાજ થયા છે. શો સાથે જોડાયેલાં સૂત્રોના કહેવા મુજબ આ બધી માત્ર ગૉસિપ છે. આ તમામ અટકળો પર વિરામ મૂકતાં શોના પ્રોડ્યુસર રાજન શાહી કહે છે, ‘આ એક અફવા છે. ગૌરવ ખન્ના આ અફવા પર એટલા માટે ચોખવટ નથી આપી રહ્યો કેમ કે આ બધી ચર્ચા પાયાવિહોણી છે. ‘અનુપમા’ને ગૌરવ શું કામ છોડે? આ શોએ તો તેને ઘણુંબધું આપ્યું છે. આ સમાચાર તદ્દન ખોટા છે. તે આ શોનો ભાગ છે.’
