આ કૉન્સર્ટમાં પ્રિયંકા પણ હાજર હતી
ડૅડી નિકની કૉન્સર્ટ એન્જૉય કરી માલતી મૅરીએ
પ્રિયંકા ચોપડા જોનસ અને નિક જોનસની દીકરી માલતી મૅરી ચોપડા જોનસ તેના ડૅડીની મ્યુઝિકલ કૉન્સર્ટમાં પહોંચી હતી. આ કૉન્સર્ટમાં પ્રિયંકા પણ હાજર હતી. થોડા સમય પહેલાં જ તે હસબન્ડ અને દીકરી સાથે મુંબઈ આવી હતી. એ દરમ્યાન પ્રિયંકાએ તેેની દીકરી સાથે પાપારાઝીને ઇન્ટ્રોડ્યુસ કરાવી હતી. નિક તેની દીકરીને લઈને સ્ટેજ પર પહોંચ્યો હતો. એનો ફોટો પણ તેણે શૅર કર્યો છે. ફોટોમાં દેખાય છે કે માલતીએ હેડફોન પહેરેલા છે. નિકના હાથમાં માઇક છે. આ ફોટોને ઇન્સ્ટાગ્રામ પર શૅર કરીને નિકે કૅપ્શન આપી હતી, તેનું ફર્સ્ટ સાઉન્ડ ચેક છે.
