૨૦૨૧માં આવેલી ‘83’ બૉક્સ-ઑફિસ પર ખાસ કોઈ કમાલ ન કરી શકી. ત્યાર બાદ ૨૦૨૨માં આવેલી ‘જયેશભાઈ જોરદાર’ ખરાબ રીતે પટકાઈ હતી
ફાઇલ તસવીર
યશરાજ ફિલ્મ્સે હાલમાં થોડા સમય સુધી રણવીર સિંહ સાથે કામ ન કરવાનો નિર્ણય લીધો હોય એવી ચર્ચા ચાલી રહી છે. એનું કારણ રણવીરની ફ્લૉપ ગયેલી પાછલી ફિલ્મો છે. ૨૦૨૧માં આવેલી ‘83’ બૉક્સ-ઑફિસ પર ખાસ કોઈ કમાલ ન કરી શકી. ત્યાર બાદ ૨૦૨૨માં આવેલી ‘જયેશભાઈ જોરદાર’ ખરાબ રીતે પટકાઈ હતી. ‘સર્કસ’ પણ લોકોની અપેક્ષાએ ખરી ન ઊતરી શકી. આ ફિલ્મોના ખરાબ પરિણામને કારણે યશરાજ ફિલ્મ્સે રણવીર સાથે ફિલ્મ ન બનાવવા માટે થોડો બ્રેક લીધો છે. યશરાજ ફિલ્મ્સે તેમની સ્પાય-યુનિવર્સમાં ભારે રકમ ઇન્વેસ્ટ કરી છે. સલમાન ખાન સાથેની ‘ટાઇગર 3’ પણ બનાવાઈ રહી છે. આ યુનિવર્સની વધુ ફિલ્મો તેઓ બનાવવાના છે અને એ ભારે બજેટની હશે. રણવીર સાથે બનાવાયેલી ફિલ્મોમાંથી માત્ર ૨૦૧૪માં આવેલી એક ‘ગુંડે’ જ સારી ચાલી હતી. જોકે ‘બૅન્ડ બાજા બારાત’, ‘લેડીઝ વર્સસ રિકી બહલ’, ‘બેફિકરે’ અને ‘કિલ દિલ’ પણ કલેક્શનની દૃષ્ટિએ પ્રભાવિત કરી ન શકી.
