અમિતાભ બચ્ચનને મળી ગોલ્ડન ટિકિટ, જાણો ક્રિકેટ જગતમાં શું છે તેનું મહત્વ

World Cup 2023 : BCCI પ્રમુખ જય શાહે બિગ બીને એટલે કે અમિતાભ બચ્ચનને `ICC ODI વર્લ્ડ કપ 2023`ની ગોલ્ડન ટિકિટ આપી છે.

અમિતાભ બચ્ચનન

અમિતાભ બચ્ચનન તો બૉલિવૂડના શહેનશાહ તરીકે ઓળખાય છે. આ પદ તેમને આટલી સરળતાથી મળ્યું ન હતું. પરંતુ આજે તેમનો જલવો 80 વર્ષની ઉંમરે પણ સારી રીતે જળવાઈ રહ્યો છે. હાલ આ અભિનેતા પ્રખ્યાત ટીવી ક્વિઝ શો `KBC 15` હોસ્ટ કરવામાં વ્યસ્ત છે. પરંતુ આજે તે કોઈ અન્ય કારણોસર ચર્ચામાં આવ્યા છે. વાસ્તવમાં BCCI પ્રમુખ જય શાહે બિગ બીને એટલે કે અમિતાભ બચ્ચનને `ICC ODI વર્લ્ડ કપ 2023`ની ગોલ્ડન ટિકિટ આપી છે.

હાલ અમિતાભ બચ્ચન વિશ્વના પ્રખ્યાત ક્વિઝ ગેમ શો `કૌન બનેગા કરોડપતિ`ની 15મી સીઝન હોસ્ટ કરી રહ્યા છે. દર વખતની જેમ આ વખતે પણ લોકો અમિતાભ બચ્ચનની ફની સ્ટાઈલને પસંદ કરી રહ્યા છે. એક એવો ટેલિવિઝન શો છે જેને તમામ દર્શકો પરિવાર સાથે જોતાં હોય છે. 

ADVERTISEMENT

આ સિઝનમાં અમિતાભ બચ્ચનને તેમને ક્રિકેટ (Cricket) રમવાનું કેટલું પસંદ છે તે વિશે વાત કરી હતી. આ પહેલીવાર નથી જ્યારે અભિનેતાએ ક્રિકેટ પ્રત્યેનો પોતાનો પ્રેમ લોકો  સામે શૅર કર્યો હોય. તેઓ અવારનવાર તેમનો ક્રિકેટ પ્રેમ લોકો સામે રજૂ કરતાં જ હોય છે. હવે સમાચાર આવી રહ્યા છે કે ભારતીય ક્રિકેટ કંટ્રોલ બોર્ડ (BCCI)ના સચિવ જય શાહે મંગળવારે બોલિવૂડના મહાનાયક અમિતાભ બચ્ચનને ICC ODI વર્લ્ડ કપ 2023 પહેલા ગોલ્ડન ટિકિટ આપી છે. 

અમિતાભ બચ્ચન ભારતીય ક્રિકેટના મોટા પ્રશંસક છે. આ જ બાબતને ધ્યાનમાં રાખીને BCCI પ્રમુખ જય શાહે બિગ બીને `ICC ODI વર્લ્ડ કપ 2023` માટે ગોલ્ડન ટિકિટ ભેટમાં આપી છે. આ ટિકિટ સાથે અભિનેતા હવે લક્ઝરીમાં VIP સ્ટેન્ડ પરથી તમામ મેચ મફતમાં જોઈ શકશે. BCCIએ પોતાના સત્તાવાર ટ્વિટર હેન્ડલ પર અમિતાભ બચ્ચનને આ ટિકિટ ગિફ્ટ કરવા અંગે પોસ્ટ કરી છે.

ભારતીય ક્રિકેટ કંટ્રોલ બોર્ડ (BCCI)એ તેના સત્તાવાર ટ્વિટર હેન્ડલ પર અમિતાભ બચ્ચનને ગોલ્ડન ટિકિટ આપતા જય શાહની તસવીર શેર કરી અને લખ્યું હતું કે, `અમારા ગોલ્ડન આઈકંસ માટે ગોલ્ડન ટિકિટ! BCCI સેક્રેટરી જય શાહને સુપરસ્ટાર ઓફ ધ મિલેનિયમ એવા શ્રી અમિતાભ બચ્ચનને અમારી ગોલ્ડન ટિકિટ આપવાનો લહાવો મળ્યો છે. એક મહાન અભિનેતા અને સમર્પિત ક્રિકેટ પ્રેમી, અમિતાભ બચ્ચનનો ટીમ ઈન્ડિયા પ્રત્યેનો અતૂટ પ્રેમ આપણને બધાને પ્રેરણા આપે છે. ICC ક્રિકેટ વર્લ્ડ કપ 2023માં તેમના સમાવેશથી અમે રોમાંચિત છીએ.”

અમિતાભ બચ્ચનના વર્ક ફ્રન્ટ વિશે વાત કરીએ તો, અભિનેતા છેલ્લે ફિલ્મ `ઉંચાઈ`માં સિલ્વર સ્ક્રીન પર મહત્વની ભૂમિકા ભજવતા જોવા મળ્યા હતા. બધાને આ ફિલ્મ ખૂબ જ ગમી હતી. આ સાથે તે હાલમાં જ આર બાલ્કીની ફિલ્મ `ઘૂમર`માં ખાસ ભૂમિકા ભજવતા જોવા મળ્યા હતા.