શાહરુખ ખાન (Shah rukh khan)ના આવા વલણથી ફેન્સ ખુબ જ નિરાશ થયા છે. એક યુઝરે કહ્યું કે ભાઈને ઘમંડ આવી ગયો છે તો અન્યએ લખ્યું કે ભૂલો નહીં ફેન્સે જ તમને SRK બનાવ્યા છે.
શાહરુખ ખાન
બોલિવૂડના બાદશાહ શાહરૂખ ખાન (Shah Rukh Khan)તેની શાનદાર શૈલી અને નમ્રતા માટે જાણીતો છે, પરંતુ શાહરૂખ ખાનના તાજેતરના દેખાવે ચાહકોને પણ આશ્ચર્યચકિત કરી દીધા છે અને તેની ખૂબ ચર્ચા થઈ રહી છે. એરપોર્ટ પર શાહરૂખ ખાને સેલ્ફી લેવા માટે આગળ આવેલા એક ફેનનો હાથ ઝાટક્યો અને ગુસ્સામાં ત્યાંથી ચાલ્યો ગયો. બાદશાહ ખાન (Shah Rukh Khan Airport Video)નો આ વીડિયો સોશિયલ મીડિયા પર ઝડપથી વાયરલ થઈ રહ્યો છે અને લોકો શાહરૂખની આ બદલાયેલી સ્ટાઈલને તેનું વલણ કહી રહ્યા છે અને તેને ટ્રોલ કરવામાં આવી રહ્યો છે.
`પઠાણ`(Pathaan)ની જબરદસ્ત સફળતા બાદ શાહરૂખ ખાન ફરી એકવાર ઊંચાઈ પર છે અને શાહરૂખની લોકપ્રિયતામાં પણ વધારો થયો છે. આવી સ્થિતિમાં દરેક વ્યક્તિ પોતાના મનપસંદ સ્ટારની એક ઝલક મેળવવા માટે બેચેન હોય છે, પરંતુ શાહરૂખે તાજેતરમાં જે કર્યું તેનાથી ફેન્સ ખૂબ જ નિરાશ થયા છે. ઈન્સ્ટાગ્રામ પર સામે આવેલા એક વીડિયોમાં જોઈ શકાય છે કે શાહરૂખ એરપોર્ટ જઈ રહ્યો છે, આ દરમિયાન એક ફેન તેનો મોબાઈલ લઈને શાહરૂખ ખાન સાથે સેલ્ફી લેવા માટે આગળ આવે છે, પરંતુ તેણે પોતાનો મોબાઈલ સામે રાખતા જ શાહરુખ તેના હાથથી ફેન્સના હાથને ઝટકો મારે છે અને ફેન પાછળ ધકેલાય જાય છે. આ પછી શાહરૂખ ખૂબ જ ગુસ્સામાં આગળ ચાલ્યો જાય છે.
ADVERTISEMENT
View this post on Instagram
આ પણ વાંચો: શાહરુખ ખાનના દીકરા આર્યન ખાનનો આ છે પહેલો ડેબ્યુ પ્રોજેક્ટ, જાણો શું છે ટાઈટલ
શાહરૂખ ખાનનો આ વીડિયો સોશિયલ મીડિયા પર સામે આવ્યા બાદ લોકો તેને ખૂબ ટ્રોલ કરી રહ્યા છે. એક યુઝરે લખ્યું, ભૂલશો નહીં કે તમે SRK ફેન્સને કારણે બની ગયા છો. તે જ સમયે, એક યુઝરે લખ્યું, આ કોઈ કારણ વગરનું વલણ છે. જ્યારે અન્ય એક યુઝરે લખ્યું, તે ખૂબ જ દુઃખદ છે, તે માત્ર તેને સ્પર્શ કર્યા વિના દૂરથી સેલ્ફી લેવા માંગતો હતો. જ્યારે અન્ય એક યુઝરે લખ્યું, સેલિબ્રિટી ભૂલી જાય છે કે તેમના સર્જક કોણ છે. તે જ સમયે, એક ચાહકે લખ્યું છે કે ભાઈને ઘમંડ આવી ગયો છે. આ રીતે શાહરૂખ ખાન આ વીડિયોને કારણે ઘણો ટ્રોલ થઈ રહ્યો છે.
