આ સિરીઝમાં બબલુ ભૈયાના રોલમાં વિક્રાન્ત જોવા મળ્યો હતો. વિધુ વિનોદ ચોપડાની ‘12th ફેલ’માં વિક્રાન્ત જોવા મળી રહ્યો છે.
વિધુ વિનોદ ચોપડા
વિક્રાન્ત મૅસીએ જણાવ્યું છે કે વિધુ વિનોદ ચોપડાને ‘મિર્ઝાપુર’ બેકાર લાગી હતી. આ સિરીઝમાં બબલુ ભૈયાના રોલમાં વિક્રાન્ત જોવા મળ્યો હતો. વિધુ વિનોદ ચોપડાની ‘12th ફેલ’માં વિક્રાન્ત જોવા મળી રહ્યો છે. વિક્રાન્તના કામની સૌકોઈ પ્રશંસા કરે છે. વિક્રાન્તને આજે પણ લોકો બબલુ ભૈયા તરીકે ઓળખે છે. તાજેતરમાં જ વિક્રાન્તે કહ્યું કે ‘મને ‘12th ફેલ’ માટે કાસ્ટ કરવા માટે વિધુ વિનોદ ચોપડાની ઑફિસમાંથી કૉલ આવ્યો હતો. શરૂઆતમાં તો મને લાગ્યું કે કોઈ મારી સાથે મજાક કરે છે. વિધુ વિનોદ ચોપડાએ મને કોઈ પણ પ્રકારના ખચકાટ વગર કહ્યું કે મેં તારું વધારે કામ જોયું નથી. તે ‘ગુંજ’માં કામ કર્યું છે અને મારી વાઇફ તારા કામનાં વખાણ કરે છે. વેબ-સિરીઝ ‘મિર્ઝાપુર’ મને બેકાર લાગી હતી. હું પૂરા બે એપિસોડ પણ જોઈ શક્યો નહીં અને મારે અધવચ્ચે જ બંધ કરવી પડી હતી.’