આદિત્ય ચોપડા અને ડિરેક્ટર મનીષ શર્મા આ ફિલ્મને લઈને ખૂબ અપેક્ષા રાખી રહ્યા છે
સલમાન ખાન અને શાહરુખ ખાન
‘ટાઇગર 3’માં સલમાન ખાન અને શાહરુખ ખાનની ઍક્શન સીક્વન્સ માટે ત્રણ ઍક્શન ડિરેક્ટર્સને પસંદ કરવામાં આવ્યા છે. વિશ્વ સ્તરના ઍક્શન ડિરેક્ટર્સ ફ્રાન્ઝ સ્પિલહૉસ, સે-યોંગ ઓહ અને પરવેઝ શેખ આ ઍક્શન સીક્વન્સને પોતાના ડિરેક્શન દ્વારા જબરદસ્ત બનાવવાના છે. મેકર્સની ઇચ્છા છે કે ‘પઠાન’માં દેખાડવામાં આવેલી ઍક્શન કરતાં પણ આ સીક્વન્સને વધુ મનોરંજક બનાવવામાં આવે. ‘પઠાન’માં જે પ્રકારે ટાઇગર બનીને સલમાનની એન્ટ્રી થાય છે એ પ્રકારે ‘ટાઇગર 3’માં પઠાન બનીને શાહરુખ આવવાનો છે. ‘ટાઇગર 3’ને લઈને આદિત્ય ચોપડા અને ડિરેક્ટર મનીષ શર્મા આ ફિલ્મને લઈને ખૂબ અપેક્ષા રાખી રહ્યા છે. એથી તેમણે આ ફિલ્મની ઍક્શન સીક્વન્સને ડિરેક્ટ કરવા માટે આંતરરાષ્ટ્રીય સ્તરના ડિરેક્ટર્સને પસંદ કર્યા છે.
