શ્રીદેવીનું મૃત્યુ ૨૦૧૮ની ૨૪ ફેબ્રુઆરીએ દુબઈમાં થયું હતું
શ્રીદેવી
શ્રીદેવીની ફિલ્મ ‘ઇંગ્લિશ વિંગ્લિશ’ને ચીનમાં ૬૦૦૦ થિયેટર્સમાં રિલીઝ કરવામાં આવશે. ૨૪ ફેબ્રુઆરીએ તેની પાંચમી ડેથ ઍનિવર્સરી છે. આથી આ ફિલ્મને ત્યાં રિલીઝ કરવામાં આવી રહી છે. આ ફિલ્મને ૨૦૧૨માં ટૉરોન્ટો ઇન્ટરનૅશનલ ફિલ્મ ફેસ્ટિવલમાં પ્રીમિયર કરવામાં આવી હતી. ત્યાર બાદ એને ૨૦૧૨ની પાંચ ઑક્ટોબરે ઇન્ડિયામાં રિલીઝ કરવામાં આવી હતી. જોકે હવે આ ફિલ્મને ચીનમાં છ હજાર સ્ક્રીનમાં રિલીઝ કરવામાં આવી રહી છે. શ્રીદેવીનું મૃત્યુ ૨૦૧૮ની ૨૪ ફેબ્રુઆરીએ દુબઈમાં થયું હતું. તે તેની હોટેલના વૉશરૂમમાં મૃત હાલતમાં મળી આવી હતી. તે તેના નેવ્યુ મોહિત મારવાહનાં લગ્નમાં હાજરી આપવા માટે ગઈ હતી.
