હાલ સોનુ સૂદનો એક વીડિયો સામે આવ્યો છે, જેમાં તે સીટ છોડીને ટ્રેનની જમીન પર બેસીને પ્રવાસ કરતા જોવા મળ્યા. અભિનેતાનો આ વીડિયો (Video)જોઈને ચાહકો પોતાની પ્રતિક્રિયાઓ આપી રહ્યા છે.
સોનુ સૂદ (ફાઈલ તસવીર)
સોનુ સૂદની (Sonu Sood) ગણતરી બૉલિવૂડના (Bollywood) ગ્રાઉન્ડ લેવલ સાથે જોડાયેલા કલાકારોમાં થતી હોય છે. તે લોકોની મદદ કરવા માટે હંમેશાં તત્પર અને તૈયાર રહે છે. એટલું જ નહીં સોનુ સૂદ ખૂબ જ સામાન્ય લોકોની જેમ જીવન જીવવામાં માને છે. તે લોકો વચ્ચે જઈને તેમની મુશ્કેલી સાંભળે છે અને તેમની મદદ પણ કરે છે. પણ હાલ સોનુ સૂદનો એક વીડિયો સામે આવ્યો છે, જેમાં તે સીટ છોડીને ટ્રેનની જમીન પર બેસીને પ્રવાસ કરતા જોવા મળ્યા. અભિનેતાનો આ વીડિયો (Video)જોઈને ચાહકો પોતાની પ્રતિક્રિયાઓ આપી રહ્યા છે.
સોનુ સૂદે પોતાના ઑફિશિયલ ઈન્સ્ટાગ્રામ અકાઉન્ટ પર પોતાનો એક વીડિયો શૅર કર્યો છે. સોનુ સૂદ સોશિયલ મીડિયા પર ખૂબ જ એક્ટિવ રહે છે. તે પોતાના ચાહકોને મળવા માટે ઘણીવાર ખાસ તસવીરો અને વીડિયોઝ પણ શૅર કરતો રહે છે. પોતાના લેટેસ્ટ વીડિયોમાં સોનુ સૂદ બ્લેક કલરના ટી શર્ટ અને બ્લેક કાર્ગો પેન્ટમાં જોવા મળે છે. વીડિયોમાં તે ટ્રેનમાં નીચે ગેટ પકડીને બેઠેલો દેખાય છે. તો વીડિયોના બેકગ્રાઉન્ડમાં કિશોર કુમારનું ગીત `મુસાફિર હું યારો` વાગી રહ્યું છે.
ADVERTISEMENT
View this post on Instagram
આ વીડિયો શૅર કરતા સોનુ સૂદે પોતાના કૅપ્શનમાં ગીતના શબ્દો પણ લખ્યા છે. સોશિયલ મીડિયા પર અભિનેતાનો આ વીડિયો ઝડપથી વાયરલ થઈ રહ્યો છે. સોનુ સૂદના ચાહકો વીડિયોને ખૂબ જ લાઈક કરી રહ્યા છે. સાથે જ કોમેન્ટ કરીને પોતાની પ્રતિક્રિયા પણ આપી રહ્યા છે. તો કેટલાક લોકોએ આ ક્રાઈમ છે એમ કહીને ફરિયાદ પણ કરી છે. આ ગુનો છે અને તેમને સજા થવી જોઈએ એવું પણ કહ્યું છે.
આ પણ વાંચો : ડૉગી સાથે પૂજા કરતો સોનુ સૂદ
વર્કફ્રન્ટની વાત કરીએ તો આ વર્ષે ફિલ્મ સમ્રાટ પૃથ્વીરાજમાં તે જોવા મળ્યા હતા. આ ફિલ્મમાં સોનુ સૂદની સાથે અભિનેતા અક્ષય કુમાર પણ મુખ્ય ભૂમિકામાં હતા.
