‘કૉફી વિથ કરણ’ની આઠમી સીઝનની શરૂઆત થશે શાહરુખથી?

ગઈ વખતની સીઝનમાં શાહરુખ દેખાયો નહોતો

શાહરુખ ખાન

કરણ જોહરના ટૉક-શો ‘કૉફી વિથ કરણ’ની આઠમી સીઝનની શરૂઆત શાહરુખ ખાન સાથે થવાની શક્યતા છે. ગઈ વખતની સીઝનમાં શાહરુખ દેખાયો નહોતો. એ અગાઉની બધી સીઝનમાં શાહરુખ હાજર રહ્યો છે. એથી હવે આઠમી સીઝનમાં શાહરુખ દેખાશે એવું જાણવા મળ્યું છે. એમાં ‘પઠાન’ની સફળતા વિશે શાહરુખ જણાવશે. આ સિવાય આ વખતની સીઝનમાં સાઉથના સ્ટાર્સ પર વધુ ધ્યાન આપવામાં આવે એવું જાણવા મળ્યું છે. ‘KGF’ના યશને, ‘પુષ્પા’ના અલ્લુ અર્જુન અને ‘કાંતારા’ના રિષબ શેટ્ટીને પણ કરણ જોહર આ શોમાં ઇન્વાઇટ કરવાનો છે. આ વખતે નવા સેગમેન્ટ્સનો પણ ઉમેરો કરવામાં આવશે. સાથે જ ચોંકાવનારા ખુલાસાઓ પણ કરવામાં આ‍વશે. આ શોની શરૂઆત કદાચ ઑગસ્ટ અથવા સપ્ટેમ્બરમાં થવાની છે.