શાહરુખ ખાનની ‘પઠાન’ની સફળતા પર પણ ખુશી વ્યક્ત કરી છે.
રોહિત શેટ્ટી
રોહિત શેટ્ટીએ રિલીઝ અગાઉ ‘જવાન’ની ખૂબ પ્રશંસા કરી છે. તેણે જણાવ્યું છે કે ફિલ્મની દરેક ફ્રેમ પર બ્લૉકબસ્ટર લખ્યું છે. આ ફિલ્મને સાઉથના ઍટલીએ ડિરેક્ટ કરી છે. સાથે જ તેણે શાહરુખ ખાનની ‘પઠાન’ની સફળતા પર પણ ખુશી વ્યક્ત કરી છે. શાહરુખ સાથે ‘ચેન્નઈ એક્સપ્રેસ’ અને ‘દિલવાલે’માં રોહિત શેટ્ટીએ કામ કર્યું હતું. ‘જવાન’ અને ‘પઠાન’ની પ્રશંસા કરતાં રોહિત શેટ્ટીએ કહ્યું કે ‘મને ‘જવાન’નો પ્રોમો ખૂબ ગમ્યો છે. સાથે જ ડિરેક્ટર ઍટલી મને ખૂબ ગમે છે અને તે સુપર્બ છે. મને નથી લાગતું કે મેં ઍટલીની કોઈ ફિલ્મ ન જોઈ હોય. મને તેની ફિલ્મો ગમે છે. સાથે જ ‘પઠાન’ને મળેલી સફળતાની પણ મને ખુશી છે. હવે ‘જવાન’ની દરેક ફ્રેમ પર બ્લૉકબસ્ટર લખેલું દેખાય છે.’ તેને પૂછવામાં આવ્યું હતું કે શું તે શાહરુખ સાથે કોઈ ઍક્શન ફિલ્મ બનાવશે? તો રોહિતે કહ્યું કે ‘ચોક્કસ. જો સારી સ્ક્રિપ્ટ આવશે તો નક્કી અમે સાથે કામ કરીશું.’
