નીતિન મનમોહનને હાર્ટ એટેક આવ્યા બાદ હૉસ્પિટલમાં દાખલ કરવામાં આવ્યા હતા
ફાઇલ તસવીર
મનોરંજન જગતમાંથી વધુ એક માઠા સમાચાર સામે આવ્યા છે. બોલિવૂડના પ્રખ્યાત નિર્માતા નીતિન મનમોહન (Nitin Manmohan)નું આજે એટલે કે 29મી ડિસેમ્બરે નિધન થયું છે. ફિલ્મ નિર્માતા નીતિન મનમોહનને હાર્ટ એટેક આવ્યા બાદ હૉસ્પિટલમાં દાખલ કરવામાં આવ્યા હતા. તેમની હાલત નાજુક હોવાથી તેમને વેન્ટિલેટર પર પણ રાખવામાં આવ્યા હતા. તેમણે
નોંધનીય છે કે નિર્માતાને 3 ડિસેમ્બરની સાંજે હાર્ટ એટેક આવ્યો હતો, ત્યાર બાદ તેમને તાત્કાલિક કોકિલાબેન ધીરુભાઈ અંબાણી હૉસ્પિટલમાં દાખલ કરવામાં આવ્યા હતા. તેમની હાલત અત્યંત ગંભીર હોવાનું જણાવવામાં આવ્યું હતું, જેના કારણે નીતિન મનમોહનને વેન્ટિલેટર પર રાખવામાં આવ્યા હતા. સતત સારવાર છતાં તે ખતરાની બહાર આવી શક્યા ન હતા. આજે તેમણે હૉસ્પિટલમાં અંતિમ શ્વાસ લીધા હતા.
ADVERTISEMENT
મનોરંજન જગત સાથે જોડાયેલા લોકોએ તેમને શ્રદ્ધાંજલિ આપી છે.
RIP Producer Nitin Manmohan Ji. That was a time when you were ruling Bollywood. One day, Everybody has to go, Whoever is he!?? pic.twitter.com/nWWCxXDxNu
— KRK (@kamaalrkhan) December 29, 2022
આ પણ વાંચો: ‘લાડલા’ના પ્રોડ્યુસર નીતિન મનોમોહનને હાર્ટ-અટૅક આવતાં હૉસ્પિટલમાં ઍડ્મિટ
નીતિન મનમોહને પોતાની કારકિર્દીમાં ઘણી શાનદાર ફિલ્મો બનાવી હતી. `બોલ રાધા બોલ`, `લાડલા`, `દસ`, `ઇન્સાફ`, `બાત બન જાયે`,`યમલા પગલા દિવાના` જેવી સુપરહિટ ફિલ્મોના નિર્માતા મનમોહને સલમાન ખાન (Salman Khan)ની ફિલ્મ `રેડી` પણ બનાવી હતી. ઉલ્લેખનીય છે કે, નીતિન બોલિવૂડના પ્રખ્યાત અભિનેતા મનમોહનના પુત્ર છે. મનમોહન `બ્રહ્મચારી`, `ગુમનામ` અને `નયા જમાના` જેવી ફિલ્મો માટે જાણીતા છે. પિતાની જેમ નીતિન પણ ફિલ્મ ઈન્ડસ્ટ્રી સાથે જોડાયેલા હતા.
