તેની ‘સર્કસ’ ૨૩ ડિસેમ્બરે રિલીઝ થવાની છે.
રણવીર સિંહ
રણવીર સિંહને હવે ફુલટાઇમ સિંગર બનવું છે. ઍક્ટિંગમાં તો તે શાનદાર છે જ, હવે તેને ગાયક બનીને લોકોને મોહિત કરવા છે. તેની ‘સર્કસ’ ૨૩ ડિસેમ્બરે રિલીઝ થવાની છે. તે હાલમાં જ આ ફિલ્મને પ્રમોટ કરવા માટે ઝીટીવી પર આવતા સિન્ગિંગ રિયલિટી શો ‘સા રે ગા મા પા લિટલ ચૅમ્પ્સ’માં પહોંચ્યો હતો. તેની સાથે આ શોમાં રોહિત શેટ્ટી, પૂજા હેગડે અને વરુણ શર્મા પણ હાજર હતાં. આ શો દર શનિવારે અને રવિવારે રાતે ૯ વાગ્યે ટેલિકાસ્ટ કરવામાં આવે છે. શોમાં કૉન્ટેસ્ટન્ટ્સની સિન્ગિંગ ટૅલન્ટ જોઈને રણવીર પ્રભાવિત થયો હતો. એ વિશે રણવીરે કહ્યું કે ‘આજે આ શોમાં આવીને હું ખૂબ પ્રેરિત થયો છું ને મેં હવે નક્કી કર્યું છે કે હું હવે સિન્ગિંગમાં કરીઅર બનાવવા પર ધ્યાન આપીશ. એક દિવસ પણ હું પણ સરસ રીતે ગીત ગાઈશ.’
