બેબીના બર્થ-ડે પર આલિયાએ શૅર કરી પોતાની ફૅમિલીની મસ્ત તસવીરો

ધૂમ 4’માં રણબીર મુખ્ય ભૂમિકામાં હશે અને આ રોલ વિલનનો હશે એવી ચર્ચા છે.

બેબીના બર્થ-ડે પર આલિયાએ શૅર કરી પોતાની ફૅમિલીની મસ્ત તસવીરો

રણબીર કપૂરની ગઈ કાલે ૪૨મી વર્ષગાંઠ હતી એ નિમિત્તે વાઇફ આલિયા ભટ્ટે ઇન્સ્ટાગ્રામ પર કેટલાક એવા ફોટો શૅર કર્યા હતા જે ચાહકોએ આજ સુધી નથી જોયા. આ તસવીરોમાં રણબીર, આલિયા, રાહા ત્રણેય; રણબીર અને રાહા; રણબીર અને આલિયા જોવા મળે છે.

ADVERTISEMENT

આ તસવીરો સાથે રણબીર માટે ‘હૅપી બર્થ-ડે બેબી’ વિશ કરીને આલિયાએ ખાસ તો ત્રણેય એક વૃક્ષને બાથમાં લઈ રહ્યાં છે એ ફોટોના સંદર્ભમાં લખ્યું : ક્યારેક તમને બસ એક મોટા હગની (એટલે કે જપ્પીની) જરૂર હોય છે... અને તમે જીવનમાં એકાત્મતાની લાગણી અનુભવો.

‘ધૂમ 4’માં રણબીર કપૂર હશે મુખ્ય ભૂમિકામાં?
યશરાજ ફિલ્મ્સની ‘ધૂમ’ સિરીઝની ચોથી આવૃત્તિમાં રણબીર કપૂર મુખ્ય ભૂમિકામાં હશે એવી ચર્ચા આજકાલ બૉલીવુડમાં ચાલી રહી છે. ‘ધૂમ 4’માં રણબીર મુખ્ય ભૂમિકામાં હશે અને આ રોલ વિલનનો હશે એવી ચર્ચા છે. એવી પણ વાત છે કે ‘ધૂમ’ સિરીઝના અગાઉના કોઈ કલાકારો ચોથી આવૃત્તિમાં નહીં હોય અને બે નવા ઍક્ટરોને પોલીસના પાત્ર માટે પસંદ કરવામાં આવશે.

ફોટોગ્રાફરોએ લાવેલી કેક કાપી રણબીરે

રણબીર કપૂરે ગઈ કાલે મીડિયાના ફોટોગ્રાફરો દ્વારા લાવવામાં આવેલી કેક કાપીને તેમની સાથે પણ ૪૨મી વર્ષગાંઠ ઊજવી હતી.