ડિરેક્ટર લવ રંજન(Love Ranjan)ની મોસ્ટ અવેટેડ ફિલ્મ `તૂ જુઠ્ઠી મેં મક્કાર` (Tu Jhooti Main Makkar)ફિલ્મનું ટ્રેલર રિલીઝ થઈ ગયું છે. જેમાં રણબીર કપૂર (Ranbir Kapoor)અને શ્રદ્ધા કપૂર લીડ રોલમાં જોવા મળશે.
રણબીર કપૂર અને શ્રદ્ધા કપૂર
Tu Jhooti Main Makkar Trailer: ડિરેક્ટર લવ રંજન(Love Ranjan)ની મોસ્ટ અવેટેડ ફિલ્મ `તૂ જુઠ્ઠી મેં મક્કાર` (Tu Jhooti Main Makkar)ફિલ્મનું ટ્રેલર રિલીઝ થઈ ગયું છે. સોશિયલ મીડિયામાં ટ્રેલરને ખુબ જ સારો પ્રતિસાદ મળી રહ્યો છે. ટ્રેલરમાં રણબીર કપૂર(Ranbir Kapoor)અને શ્રદ્ધા કપૂર (Shraddha Kapoor)ની શાનદરા કેમેસ્ટ્રી, જોરદાર વિઝુઅલ્સ, હિલેરિયસ ડાયલૉગ અને મસ્ત મજાનો કોન્સેપ્ટ જોવા મળે છે. કહી શકાય કે તૂ જુઠ્ઠી મેં મક્કાર એ ફિલ્મ છે જે થિયેટર્સમાં ફરી રોમાન્સ ક્રિએટ કરવાની છે, પરંતુ 2023ની સ્ટાઈલમાં.
લવ રંજનની ફિલ્મ હંમેશાં આજના પ્રેમની પરિભાષાને નવા અંદાજમાં બતાવે છે. તૂ જુઠ્ઠી મેં મક્કાર પણ આ ટ્રેક પર જ છે. ટ્રેલર રિલીઝ થતાં જ લાખો વ્યૂઝ મળી ચુક્યા છે. ફિલ્મમાં રણબીર કપૂર (Ranbir Kapoor)અને શ્રદ્ધા કપૂર (Shraddha Kapoor)લીડ રોલમાં છે. આ જોડી ફેન્સને ખુબ જ પસંદ આવી રહી છે. જોકે રણબીર કપૂરનો લૂક `બચના એ હસીનો` જેવો લાગી રહ્યો છે.
ADVERTISEMENT
ફિલ્મની કહાની એક એવા કપલની છે, જે પ્રેમ કરવા ચાહે છે પરંતુ સાથે રહેવા નહીં. ટ્રેલરની શરૂઆતમાં રણબીર કહે છે-આજકાલ રિલેશનમાં આવવું સરળ છે. તેમાંથી નિકળવું મુશ્કેલ છે. સંબંધ જોડવો સરળ છે, પણ તોડવો મુશ્કેલ છે. એટલે ખોટું બોલીને પકડાવું નથી, પરંતુ ખોટું બોલીને એમાં સત્યને ભેળવવું છે. એ છોકરી છે બાકી તે કરી લે છે. તારે બસ શંકા ઉભી કરાવવાની છે. કઈંક આવી જ રીતે શ્રદ્ધા પણ વિચારતી હોય છે. તે પણ રિલેશનમાં આવવાથી નથી ડરતી, પણ એમાંથી નિકળવાનું મુશ્કેલ લાગે છે.
આ પણ વાંચો: નવાઝુદ્દીન સિદ્દીકીની પત્ની વિરુદ્ધ FIR દાખલ, અભિનેતાની માતાએ જ કર્યો કેસ
બસ, અહીંથી બંને વચ્ચે શરૂ થાય છે સૌથી વધુ ખરાબ કોણ છે તેની સ્પર્ધા. આ દરમિયાન ફિલ્મમાં કેટલાય ટ્વિસ્ટ અને ટર્ન આવે છે. કોણ જીતે છે, એ તો ફિલ્મ જોયા બાદ જ ખબર પડશે. પરંતુ હાલમાં આ ટ્રેલર લોકોને ખુબ જ પસંદ આવી રહ્યું છે. દરેક લોકો કમેન્ટ કરી આ ફિલ્મને વર્ષની મનોરંજન ફિલ્મ ગણાવી રહ્યાં છે. તો કેટલાક યુર્ઝસ બૉલિવૂડમાં રૉમેન્ટિક ફિલ્મની વાપસી ગણાવી રહ્યાં છે.
