આલિયાની ‘હાર્ટ ઑફ સ્ટોન’ નેટફ્લિક્સ પર આવશે ઑગસ્ટમાં
રણબીર કપૂર અને આલિયા ભટ્ટ
આલિયા ભટ્ટ અને રણબીર કપૂર પ્રેસ ક્લબમાં જૂના ફોટો જોવામાં તલ્લીન દેખાયાં હતાં. આ તમામ ફોટો જોઈને તેઓ જૂની યાદોમાં સરી પડ્યાં હતાં. આ તમામ ફોટોને પાપારાઝી અને સેલિબ્રિટી ફોટોગ્રાફર્સે ક્લિક કર્યા હતા. આ ફોટોમાં આલિયા અને રણબીરની સાથે જ નીતુ કપૂર અને રિશી કપૂરના પણ ફોટો મૂકવામાં આવ્યા છે. સાથે જ એક ફોટો એવો પણ હતો જે ૨૦૧૯નો હતો. એ ફોટોમાં કૅટરિના કૈફ અને આલિયા એકબીજાનો હાથ પકડીને ઊભાં છે. તેઓ એક ઇવેન્ટમાં મળ્યાં હતાં. એ વખતે આલિયા અને રણબીર એક બીજાને ડેટ નહોતા કરતાં. રણબીર અને કૅટરિનાના સંબંધો પણ ખૂબ ચગ્યા હતા. બન્નેના બ્રેકઅપ બાદ કૅટરિનાએ ૨૦૨૧માં વિકી કૌશલ સાથે લગ્ન કરી લીધાં છે. બીજી તરફ રણબીર અને આલિયાએ ૨૦૨૨માં લગ્ન કરી લીધાં છે. તેમને રાહા નામની દીકરી પણ છે.
આ પણ વાંચો : સામ-સામા થશે પતિ-પત્ની, એક જ દિવસે રિલીઝ થશે આલિયા અને રણબીરની આ ફિલ્મો
ADVERTISEMENT
આલિયા ભટ્ટની હૉલીવુડની પહેલી ફિલ્મ ‘હાર્ટ ઑફ સ્ટોન’ વિડિયો સ્ટ્રીમિંગ સર્વિસ નેટફ્લિક્સ પર ૧૧ ઑગસ્ટે રિલીઝ થવાની છે. ટોમ હાર્પરે એને ડિરેક્ટ કરી છે. આ ફિલ્મમાં તેની સાથે ગલ ગડોટ, જૅમી ડોરનન, સોફી ઓકોનેડો અને મેથિયાસ સ્કવીગોફર પણ લીડ રોલમાં છે. આ ફિલ્મની એક નાનકડી ઝલક આલિયાએ ઇન્સ્ટાસ્ટોરી પર શૅર કરી હતી. એમાં દેખાડવામાં આવ્યું છે કે આ વર્ષે ૧૧ ઑગસ્ટે ફિલ્મ રિલીઝ થવાની છે.
