રણબીર અને આલિયા ભટ્ટ પોતાની લાડકીને પ્રેમથી પોતાના ખોળામાં લઈને કારમાં બેસાડી ઘરે લઈ ગયા હતાં.
રણબીર કપૂર અને આલિયા ભટ્ટ
બૉલિવૂડના સૌથી ક્યૂટ કપલ્સની યાદીમાં સામેલ રણબીર કપૂર (Ranbeer Kapoor)અને આલિયા ભટ્ટ (Alia Bhatt) હાલમાં જ પેરેન્ટ્સ બન્યા છે. તેમના ઘરે એક દીકરીનો જન્મ થયો છે. હાલ સમગ્ર કપૂર અને ભટ્ટ પરિવારમાં ખુશીનો માહોલ છે. તે જ સમયે સેલેબ્સ અને ચાહકો પુત્રીના જન્મ પર નવા મમ્મી-પપ્પાને અભિનંદન આપતા થાકતા નથી. આ બધાની વચ્ચે આજે નાની લક્ષ્મી તેની માતા આલિયા અને પિતા રણબીર કપૂર સાથે તેના ઘરે પહોંચી છે.
રણબીર કપૂરની રેન્જ રોવર કાર વહેલી સવારે અંબાણી હોસ્પિટલ પહોંચી હતી. અહીંથી રણબીર અને આલિયા ભટ્ટ પોતાની લાડકીને પ્રેમથી પોતાના ખોળામાં લઈને કારમાં બેઠા અને પછી કપૂર હાઉસ પહોંચ્યા. તેણી તેની પુત્રીને તેની કારમાં લઈને આવતી તસવીરો સોશિયલ મીડિયા પર વાયરલ થઈ રહી છે. જો કે આ દરમિયાન રણબીર અને આલિયાની સ્પષ્ટ તસવીરો સામે આવી નથી.
ADVERTISEMENT
ઉલ્લેખનીય છે કે રણબીર કપૂર અને આલિયા ભટ્ટ ફિલ્મ `બ્રહ્માસ્ત્ર`ના સેટ પર પ્રેમમાં પડ્યા હતા. જે બાદ બંને રિલેશનશિપમાં આવ્યા હતા. લગ્ન પહેલા બંનેએ ત્રણ વર્ષ સુધી ડેટિંગ કર્યું હતું. આલિયા ભટ્ટ અને રણબીર કપૂરે આ વર્ષે એપ્રિલમાં લગ્ન કર્યા હતા, આલિયાએ બે મહિના પછી જ તેની પ્રેગ્નન્સીના સારા સમાચાર શેર કર્યા હતાં. તેણે આ ખુશખબર સોશિયલ મીડિયા પોસ્ટ દ્વારા ફેન્સ સાથે શેર કરી હતી. ગયા રવિવારે આલિયાએ એચ.એન. રિલાયન્સ ફાઉન્ડેશન હોસ્પિટલમાં પુત્રીને જન્મ આપ્યો હતો.
