સવાલનું કારણ એ છે કે હજી ગઈ કાલે જ એનું શૂટિંગ પૂરું થયું છે અને રિલીઝને આડે માત્ર ૮ દિવસ છે
ફિલ્મનો એક સીન
‘પુષ્પા 2 : ધ રૂલ’ પાંચમી ડિસેમ્બરે રિલીઝ થવાની છે, પણ આ ફિલ્મનું શૂટિંગ હજી ગઈ કાલે જ પૂરું થયું છે. આ ફિલ્મની રિલીઝને આઠ જ દિવસ બાકી છે છતાં એનું કામ હમણાં પૂરું થયું છે એ આશ્ચર્યની વાત છે. સામાન્ય રીતે ફિલ્મના કલાકારો દેશભરમાં ફરીને ફિલ્મનું પ્રમોશન કરતા હોય છે. જાણવા મળ્યું છે કે આ ફિલ્મનાં મુખ્ય કલાકારો અલ્લુ અર્જુન અને રશ્મિકા મંદાનાએ હૈદરાબાદમાં ૨૩ નવેમ્બરથી ૨૬ નવેમ્બર દરમ્યાન એક રોમૅન્ટિક ગીતનું શૂટિંગ કર્યું હતું અને એને પગલે ફિલ્મની સમાપ્તિ થઈ હતી. એક ચર્ચા એવી પણ છે કે આ ફિલ્મ પાંચમી ડિસેમ્બરે રિલીઝ ન પણ થાય.
